獨家丨陳山聰兔年目標搵多啲錢兼追個女 入行30年衰過再爬起身成囝囝最佳教材

46歲陳山聰去年連播6劇,最終憑《金宵大廈2》首登視帝寶座,他承認入行30年經歷過高低起跌,攞獎為了自己,同時也是囝囝Jaco(陳霆軒)的教材。踏入兔年,山聰坦承有名無利,希望憑住視帝之名搵返3年來錯失的賺錢機會,除了為囝囝儲定教育基金,更為生個兔女郎作好準備。採訪:杜杜 攝影:錢文坤 髮型:Seiko Sin Hair@Hair Culture 化妝:Chloe Yu 服裝:bespoked_ianchang 場地:G Room(K11 Musea)

除了搵錢,做藝人最緊要有人緣同健康身體,山聰當然希望三樣有齊。
除了搵錢,做藝人最緊要有人緣同健康身體,山聰當然希望三樣有齊。

 

山聰入行30年經歷過高低起跌,奪視帝證明努力無白費。
山聰入行30年經歷過高低起跌,奪視帝證明努力無白費。

 

《金宵大廈》令山聰人氣急升,《金宵大廈2》更令他登上視帝寶座。
《金宵大廈》令山聰人氣急升,《金宵大廈2》更令他登上視帝寶座。

 

山聰奪獎當晚冇特別慶祝,因翌日早上6時便要為新劇《奪命提示》開工,收到大量祝賀訊息,都要趁空檔才回覆,「等拍車戲覆咗200幾個訊息,要兩日先覆得晒,阿Moon(劉佩玥)同我開工,喺我隔離都係咁覆,我哋都冇時間去post任何嘢,同埋我都希望親自去多謝佢哋。」

山聰攞獎翌日晨早,即跟馬拉視后劉佩玥為新劇《奪命提示》開工。
山聰攞獎翌日晨早,即跟馬拉視后劉佩玥為新劇《奪命提示》開工。

 

獲老婆讚大個仔

對於得獎感言,山聰解釋是有感而發,「我真心諗咗好耐,上台嘅話,一定要將呢番話講出嚟,唔係話覺得自己叻,而係希望畀大家感受到失敗唔緊要,肯面對自己嘅失敗先至可以面對自己嘅成功,失敗後點樣企返起身,再步向成功真係好難,但只要有信心肯努力同堅持,加埋勤力同埋機緣,天時地利同埋運氣,再加埋咁多人錫我,成就到呢件事。」

 

一班圈中好友百忙中跟山聰慶祝,令他相當感動。
一班圈中好友百忙中跟山聰慶祝,令他相當感動。

 

 

得獎後,山聰第一時間跟粉絲慶祝,感激他們默默支持。
得獎後,山聰第一時間跟粉絲慶祝,感激他們默默支持。

 

不過山聰認為封帝後並非成功,只是踏向成功的第一步,「攞咗呢個獎唔等如一切,我老婆第二日都問我『你咩感受』,我話『其實冇感受,開心完,𠵱家做嘅嘢係放低呢個獎,走好未來嗰段路,點樣再突破自己、再演好啲,我攞咗呢個獎後,只會畀以前做得更好,畀之前更加calm,畀人覺得我唔係一個視帝,我希望感染到身邊人,唔好覺得你攞咗就威,千祈唔好將呢件事擴大』,跟住老婆答咗我一句『你大個嘞,你叻仔』。」

山聰坦承太太 Apple是心靈導師,經常開解和鼓勵他。
山聰坦承太太 Apple是心靈導師,經常開解和鼓勵他。

 

山聰認為獎項為了自己外,也為囝囝Jaco而攞,「希望係一個身教,畀佢睇到希望得到嘅嘢,要去爭取,亦都要努力。」就連自己失敗的經歷,山聰亦決定拿來做教材,「等佢大個懂性後,我會話畀佢知Daddy過往嘅歷史,我要當佢係朋友咁,但佢吸收到幾多,接受到幾多,係佢嘅路,我管唔到。」

山聰入行30年經歷過高低起跌,奪視帝證明努力無白費。
山聰入行30年經歷過高低起跌,奪視帝證明努力無白費。

 

望追多個兔女或龍女

踏入兔年,山聰直言只有一個目標,「呢3年搵唔到錢,希望喺兔年一次過搵返晒,哈哈!我最多嘢做嗰年係2019年,之後就冇,都要為Jaco將來打算,希望憑呢個獎,可以順住落去多返啲嘢做,點都要有少少收成。」攞獎後山聰更加夠膽同老婆提出生個B女,「呢個獎係我籌碼嚟,哈哈!可以嘅話都希望整返個兔女或者龍女,可能兔年有啲趕,2024年係龍年,整個小龍女都幾好。」若然有兩個小朋友,山聰預了太太要停工全職湊小朋友,「所以我今年兔年要入多啲米先囉!」

 

山聰兔年最希望財源廣進,因疫情令他3年都冇賺外快機會。
山聰兔年最希望財源廣進,因疫情令他3年都冇賺外快機會。

 

至於未來目標,山聰就笑言,「今年應該畀觀眾抖抖先,我應該得一個劇《隱形戰隊》啫!都要畀觀眾餓吓,唔係食滯咗第時唔想再睇我就慘啦!」另外就希望有登大銀幕機會,「希望有電影公司搵吓我,拍吓電影,就算客串都冇所謂,我真係希望可以多啲嘗試,同多啲單位合作,不論係演員、導演、監製都好,可以有多啲新火花,先豐富陳山聰嘅演藝事業,等我學到多啲嘢,到時拍其他劇就有另一個層次畀觀眾見到。」

山聰希望未來有機會好似演《十八年後的終極告白》一樣,試到更多不同類型角色。
山聰希望未來有機會好似演《十八年後的終極告白》一樣,試到更多不同類型角色。

 

新網站 www.stheadline.com 已推出

 

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

「飛爺」鄧智堅竟撞樣張智霖 藝訓班導師桃李滿門竟是《婚後事》功臣?

J2患癌主持文頌男完成化療 撰千字文交代病況:活得好冇尊嚴

黃心穎老公泥鯭融入家中!與一黃家成員攬頭攬頸 黃母喪夫缺席派對?

陳浩民麥大力同受腳傷照現身 余香凝有「腳頭好」兒子

都市網新聞