羅敏莊與經理人鬧翻慘遭雪藏事業停滯 直認與同期上位歌手關係疏離

羅敏莊於1995年是以歌手身分出道，當年一首《挑戰者》成熱門K歌，結果奪得商台叱吒樂壇流行榜頒發「生力軍女歌手金獎」。

 

出過唔少K歌！

 

提到《挑戰者》，羅敏莊表示當時公司希望「聽歌不見樣」，她笑說：「可能我個樣冇乜信心呱，佢哋想隻歌出咗先，等啲人估吓你個樣係點，出咗嚟之後真係好多人有疑問，但係見到個樣就冇乜點。」

 

得到「生力軍女歌手金獎」後，事業並不一帆風順，羅敏莊說：「其實都好差吓，嗰陣同經理人（安格斯）有拗撬，有啲意見不合，因為年紀細又多事幹，比較多啲不滿，覺得佢作《逝去的諾言》又冇乜諾言，哈哈…總之大家有啲唔開心。當時叫做『被雪藏』，喺合約期唔可以做其他嘢，尤其係演藝界嘅幕前工作。」

 

羅敏莊於是去咗電台做幕後：「嗰陣同梁奕倫、李志剛、杜雯惠成日出去玩，佢哋見我咁慘冇嘢做，咪叫我去電台幫吓手，於是做咗節目助理，要接聽電話，管禮物，又幫佢哋設計吓節目環節。」

 

羅敏莊當年約滿回復自由身後，聯絡昔日在TVB認識的朋友幫她穿針引線，結果順利回到幕前，在《K-100》介紹節目，一星期做三日，做到爆騷。

 

之後拍埋劇集。

 

同胡諾言拍攝《大冬瓜》。

 

《古靈精探》

 

與陳國邦拉埋天窗。

 

參與過不少劇集之演出。

 

 

有一段時間拍劇都好順利。

 

《老公萬歲》

 

羅敏莊喺2010年在《超級巨聲2》與參賽者合唱《挑戰者》，被評判倫永亮讚說：「好希望香港樂壇有多啲羅敏莊呢類歌手。」令她得到不少主持和唱歌機會。

 

羅敏莊話而家做人好佛系，最緊要開心。

 

再問否覺得娛樂圈很現實？她說：「其實邊度都係，只不過係我哋容易畀人見到，好似我講咗出嚟，有人報道咪有人知，始終一個社會係好現實。」

 

一家三口好幸福。

 

陳國邦與羅敏莊2009年結婚，三年後誕下得意囡囡陳禛，陳禛也成為小童星，在《梅艷芳》中飾演梅艷芳童年。

 

今年7月羅敏莊貼出與囡囡在飛機上的照片，宣佈已抵達泰國，並表示會努力學習。

 

陳禎在當地入讀哈羅曼谷國際學校，陳國邦與羅敏莊所購入的泰國寓所與陳禎所讀的學校亦只需半小時車程。

 

陳禎在當地入讀哈羅曼谷國際學校，陳國邦與羅敏莊所購入的泰國寓所與陳禎所讀的學校亦只需半小時車程。

 

羅敏莊與陳國邦早在2016年已於泰國置業，當時選擇在曼谷巿區置業，以300多萬港幣在購入一個鄰近BTS站的約850呎單位。

 

羅敏莊話移居泰國係有啲私心：「因為自己鍾意泰國，我好怕凍，去過英國、加拿大，一凍起上嚟真係唔掂，於是揀啲熱啲，多啲陽光嘅地方，同埋泰國生活使費少好多。」

 

而家嘅生活好開心。

 

羅敏莊在初出道與經理人鬧翻而令事業停滯不前，問到是否經一事長一智？羅敏莊說：「唔關呢件事而改變，係隨住慢慢成長，再睇番轉頭又唔係得你一個人係咁，成個世界同社會係有好多唔公平，唔守諾言同唔開心嘅嘢存在，當你睇到好多嘢，而年紀慢慢大，人變得成熟，自己就會改變。」她續說：「會變得冇咁憤世嫉俗，又唔可以話我已經好圓滑，但一定冇以前咁三尖八角，即係識得做人啲囉，冇咁易得罪人，不過後生嗰陣個個都係好易得罪人啦，邊有人一出嚟好滑頭？咁我又唔算係好火爆，但係叫做有個氣焰，而家我過到嚟呢邊，直頭覺得自己好佛系，乜都冇所謂。」

對於同期歌手上位，她卻停滯不前，跟他們的關係亦逐漸疏離，她直認不爽說：「絕對係，大家都唔同世界，我諗唔剩只係我，我意思喺呢行裡面，一齊成長但之後唔同level，我都有聽過一啲直頭係講嘢唔好嘅對待，好似話本來有歌手係一齊玩，另一個紅咗，喺街撞到就扮唔識你，或者講啲說話『你仲係咁咩』，但係我冇遇過，只係自己有呢個感覺，會覺得佢哋咁好，自己仲係坐喺後台聽電話，係咪好慘呢？有自憐嘅感覺。而家睇番轉頭，以前細個、傻豬啫，每個人有唔同經歷，有唔同去向，如果當時有成熟嘅我，會講番畀自己聽，每一個人有唔同嘅路要行，咁我行嘅路就係咁囉！」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。