罗敏庄与经理人闹翻惨遭雪藏事业停滞 直认与同期上位歌手关系疏离

罗敏庄于1995年是以歌手身分出道，当年一首《挑战者》成热门K歌，结果夺得商台叱吒乐坛流行榜颁发“生力军女歌手金奖”。

 

出过唔少K歌！

 

提到《挑战者》，罗敏庄表示当时公司希望“听歌不见样”，她笑说：“可能我个样冇乜信心呱，佢哋想只歌出咗先，等啲人估吓你个样系点，出咗嚟之后真系好多人有疑问，但系见到个样就冇乜点。”

 

得到“生力军女歌手金奖”后，事业并不一帆风顺，罗敏庄说：“其实都好差吓，𠮶阵同经理人（安格斯）有拗撬，有啲意见不合，因为年纪细又多事干，比较多啲不满，觉得佢作《逝去的诺言》又冇乜诺言，哈哈…总之大家有啲唔开心。当时叫做‘被雪藏’，喺合约期唔可以做其他嘢，尤其系演艺界嘅幕前工作。”

 

罗敏庄于是去咗电台做幕后：“𠮶阵同梁奕伦、李志刚、杜雯惠成日出去玩，佢哋见我咁惨冇嘢做，咪叫我去电台帮吓手，于是做咗节目助理，要接听电话，管礼物，又帮佢哋设计吓节目环节。”

 

罗敏庄当年约满回复自由身后，联络昔日在TVB认识的朋友帮她穿针引线，结果顺利回到幕前，在《K-100》介绍节目，一星期做三日，做到爆骚。

 

之后拍埋剧集。

 

同胡诺言拍摄《大冬瓜》。

 

《古灵精探》

 

与陈国邦拉埋天窗。

 

参与过不少剧集之演出。

 

 

有一段时间拍剧都好顺利。

 

《老公万岁》

 

罗敏庄喺2010年在《超级巨声2》与参赛者合唱《挑战者》，被评判伦永亮赞说：“好希望香港乐坛有多啲罗敏庄呢类歌手。”令她得到不少主持和唱歌机会。

 

罗敏庄话而家做人好佛系，最紧要开心。

 

再问否觉得娱乐圈很现实？她说：“其实边度都系，只不过系我哋容易畀人见到，好似我讲咗出嚟，有人报道咪有人知，始终一个社会系好现实。”

 

一家三口好幸福。

 

陈国邦与罗敏庄2009年结婚，三年后诞下得意囡囡陈禛，陈禛也成为小童星，在《梅艳芳》中饰演梅艳芳童年。

 

今年7月罗敏庄贴出与囡囡在飞机上的照片，宣布已抵达泰国，并表示会努力学习。

 

陈祯在当地入读哈罗曼谷国际学校，陈国邦与罗敏庄所购入的泰国寓所与陈祯所读的学校亦只需半小时车程。

 

陈祯在当地入读哈罗曼谷国际学校，陈国邦与罗敏庄所购入的泰国寓所与陈祯所读的学校亦只需半小时车程。

 

罗敏庄与陈国邦早在2016年已于泰国置业，当时选择在曼谷巿区置业，以300多万港币在购入一个邻近BTS站的约850呎单位。

 

罗敏庄话移居泰国系有啲私心：“因为自己钟意泰国，我好怕冻，去过英国、加拿大，一冻起上嚟真系唔掂，于是拣啲热啲，多啲阳光嘅地方，同埋泰国生活使费少好多。”

 

而家嘅生活好开心。

 

罗敏庄在初出道与经理人闹翻而令事业停滞不前，问到是否经一事长一智？罗敏庄说：“唔关呢件事而改变，系随住慢慢成长，再睇番转头又唔系得你一个人系咁，成个世界同社会系有好多唔公平，唔守诺言同唔开心嘅嘢存在，当你睇到好多嘢，而年纪慢慢大，人变得成熟，自己就会改变。”她续说：“会变得冇咁愤世嫉俗，又唔可以话我已经好圆滑，但一定冇以前咁三尖八角，即系识得做人啲囉，冇咁易得罪人，不过后生𠮶阵个个都系好易得罪人啦，边有人一出嚟好滑头？咁我又唔算系好火爆，但系叫做有个气焰，而家我过到嚟呢边，直头觉得自己好佛系，乜都冇所谓。”

对于同期歌手上位，她却停滞不前，跟他们的关系亦逐渐疏离，她直认不爽说：“绝对系，大家都唔同世界，我谂唔剩只系我，我意思喺呢行里面，一齐成长但之后唔同level，我都有听过一啲直头系讲嘢唔好嘅对待，好似话本来有歌手系一齐玩，另一个红咗，喺街撞到就扮唔识你，或者讲啲说话‘你仲系咁咩’，但系我冇遇过，只系自己有呢个感觉，会觉得佢哋咁好，自己仲系坐喺后台听电话，系咪好惨呢？有自怜嘅感觉。而家睇番转头，以前细个、傻猪啫，每个人有唔同经历，有唔同去向，如果当时有成熟嘅我，会讲番畀自己听，每一个人有唔同嘅路要行，咁我行嘅路就系咁囉！”

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。