世界盃2022|專欄:對付高盧雞 丹麥有辦「法」

葡萄牙以三比二險勝加納,艾爾覺得葡軍後防下半場的表現慘不忍睹,失嘅第二球睇到眼都凸埋。仲有,葡軍門將迪奧高哥斯達喺補時差啲犯錯,唔係伊拿基威廉斯把握唔到黃金機會,葡軍隨時陰溝裏翻船。今仗之後,葡軍領隊費蘭度山度士有必要重新檢示後防組合,唔係對住有一定攻力嘅烏拉圭,同埋擅長打反擊嘅南韓,前面入埋可能唔夠後面失。

嚟到C組同D組嘅第二輪分組賽,戲碼最精采嘅相信係法國對丹麥。上屆冠軍法國有種「皇馬2.0」嘅感覺,即使賓施馬退隊,仍有「銀河唯一」基奧特,基利安麥巴比同奧士文尼迪比利亦令「高盧雞」如虎添翼。只不過,艾爾對領隊迪甘斯嘅印象向來麻麻哋,最記得上屆歐國盃十六強對瑞士,法國下半場領先到三比一,部分球員體力已經消耗唔少,但迪甘斯遲遲唔換人,結果法定時間被追平,互射十二碼兼輸埋,晉唔到級可以話係自己攞嚟。

北歐球隊丹麥上屆歐國盃殺入四強,除咗為曾經喺比賽途中心臟停頓嘅基斯甸艾歷臣而戰,領隊祖文功勞好大。對比前任領隊夏列特,祖文嘅臨場調動做得好,打法上唔會過分保守。祖文為丹麥隊帶嚟唔少改變,係今屆世界盃嘅黑馬之一。湯馬士迪蘭尼今場唔可以為丹麥披甲,但球隊陣式靈活程度幾大,丹斯加特、安達斯奧臣等前綫球員狀態唔錯,門將卡斯柏舒米高更係後防嘅定海神針。

自祖文上任以嚟,丹麥喺歐國聯能夠雙殺法國。艾爾覺得丹麥可以憑較強嘅整體性,剋住粒粒皆星嘅法國,要讓球「+0.5/1」丹麥下盤,另外角球大細「9.5」大亦可留意。艾爾

---------------------------------------------

>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。

>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。

>>>下載【星島新聞(加拿大版) 】App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php

>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca

>>>訂閱CCUE YouTube 頻道,查看更多吃喝玩樂、生活資訊影片。
點擊以下6大平台 接收加拿大新聞及生活資訊
share to wechat

延伸閱讀

延伸閱讀

巴黎聖日耳門|摩納哥2:3負里昂 聖日耳門法甲提早3輪封王

馬術|雙魚河上演馬王挑戰賽 葉宥彤贏場地障礙 謝穎麗盛裝舞步奪冠

曼聯│雲達沙與太太訪港 踩入元朗睇古蹟 到南生圍踩單車

智甲|下游大戰 奧達斯科布雷素入球必細

都市網新聞