【黃庭桄專欄】按出人命

你有頸梗膊痛這類舊患嗎？

打從成為智能電話的低頭一族後，經常習慣保持同一姿勢幾小時，頸椎神經長期受壓，肌肉勞損，血氣運行有滯，隨意左右搖擺頸項時，都會發出「咯咯聲」。
　　
不知不覺變成硬頸的人，如我，常會尋求按摩師的幫忙，推油指壓，舒緩繃緊的肌肉和筋腱。
　　
然而按摩技師良莠不齊，有時為了慳水慳力，常會建議替我踩背，每次我必然會堅決拒絕，不會拿自己較飛。
　　
技師平均體重百餘磅，將全身的重量集中在腳趾，就此踩在我身上，隨時踩到我爆肺也不知道，弄傷我的機會絕不低呢！
　　
有時技師又會用手㬹「一嘢」鋤落我背脊，往往鋤不中穴位，卻鋤到骨頭上，認真攞苦嚟辛。
　　
當按到頸的脆弱部位，有些技師會偷懶不用手指按壓，繼續用無咁嘥力的手㬹死命地按。天啊！頸根本不能夠太大力去按，否則會按傷神經，不但得不到舒筋活絡，反而手尾更長有排醫，真係「唔得佢死」！
　　
須記住，按摩中心和桑拿院的技師，絕對不是專業的物理治療師或整骨師傅，她們只是學了三腳貓功夫，便替客人拉筋、「Lock」頸和踩背，稍有不慎，就會險象環生。
　　
最近就有一名二十多歲男子在上海一家澡堂按摩，主力按肩頸部位，誰知按完之後不久便暈倒，送院急救後不治。據醫生診斷，由於頸部有大量神經和血管，男子疑因受外力按壓，令血管內膜局部脫落，引發腦梗塞中風致死。
　　
本來按摩是快活過神仙，隨時一按便升仙，所以每次技師一用手㬹按我條頸時，我會馬上喝止，咁樣死法，會好唔抵！萬一從此癱瘓死唔去，真係死畀你睇！

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。