【黃庭桄專欄】咒死你

我見過不少人口多嘴賤，時常說出惡言，一有看不順眼的地方，便會詛咒別人，輕藐別人，開口埋口會把別人的姓氏，冠以「死」字。
　　
肥胖的人總會被叫成死肥仔或死肥婆。情侶嗌交時，女方往往會破口大罵男方是「死人頭」。若人幹了壞事，會被鬧成：「正一死X街！」即使輕鬆如打牌，明明叫三飛，以為贏硬，卻被截胡，你會嬲爆爆：「死嘢吖！你睇我鋪牌幾靚呀！阻住晒！」
　　
死喎！即是生命終結喎！不能復生喎！到底要幾大仇口，才用如此惡毒的字眼去咒對方呢？明明不是十冤九仇，又不是殺了你全家，犯不着開口埋口都用「死」字。
　　
也許言者無心，但在佛家角度，已經犯了口業，是一種罪。愈說得多，愈累積罪業。星雲大師不斷推廣三好精神，即：「說好話！存好心！做好事！」當人人口中常出善言，傳播正能量，世間的美好磁場，便會充滿愛和希望。
　　
當你見到朋友時，第一句即說：「你今日氣色好好喎……你瘦咗又靚咗喎……祝你有愉快的一天……你一定會成功的，加油！」當你發出善願善念，令對方會信心滿滿，事情就會起了好的變化，幸運之神自然常伴左右。
　　
即使你沒有沖犯太歲，但如果常說別人壞話，發出惡願去咒別人行衰運，甚至狠狠地罵：「咁多人死，唔見你死！真係唔死都冇用！你同我死出去！」如此這般，你會被扣減曾行過的善業功德，運氣只會愈來愈衰，惡事將會彈回來報應，試問龍天護法和貴人又怎會願意留在你身邊呢？
　　
「好心你把口咪咁臭啦！」如果有人曾這樣規勸你，你不用換牙膏，快換掉壞心腸吧

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。