古天后日誌|港股即使見底仍需經過漫長收集期

9月30日,大致多雲,間中有幾陣驟雨,早上局部地區有狂風雷暴,日間短暫時間有陽光。美股反彈乏力,隔晚繼續下跌並穿底,道指跌458點;標指跟納指更跌逾2%。標指下個支持位大約係下降通道底部,即3500附近,現水平計仍有5%下跌空間;而納指下個支持位大約係10000點,而下降通道底部為9500點,以現水平可以再跌一成。

美國土GDP已連續兩季收縮,經濟已陷入技術性衰退,不過同時又面對通脹問問題,好明顯目前已陷入滯脹困局。滯脹困局不僅削弱企業盈利能力,而企業借貸成本上升,業績表現自然無法支持股價高企,而享有高估值。美股殺估值已有一段時間,但暫時仲有一批龍頭股如蘋果公司及TSELA等頂住,睇怕美股要等呢批龍頭都殺埋估值,仆埋落去,先有機會見底。

港股喺9月份以陰乾式下滑,捱到噚日期指結算日踩到最低位,逼近17000水平,早段完成結算後,午後跳水向下,似乎10月走勢都難樂觀。尤其係美股仲有半成至一成下跌空間,港股本身係弱底,喺外圍插水下,港股亦難逃一跌。重點係港股呢幾個月成交持續低迷,一直未見新資金流入,再加上一堆重磅股有大股東排住隊減持套現,港股連反彈亦顯得困難重重,都莫講話可以轉勢回升。即使外圍喘定,港股搵到個底唔再插水,喺缺乏新資金流入下,港股只有喺低位徘徊,大戶都要一段時間喺底部收集,熊市三期嘅收集時間可以長達數月甚至以年計,就算有子彈買貨坐,都需要相當耐性等待。

訂閱星島網singtao.ca電郵快訊,每天可收到最快新聞資訊: https://cloud.marketing.ccue.ca/singtao_subscribe

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

小鵬上季經調整淨虧損擴大49%

恒指半日收升40點已達100天線 內房終止兩連升 專家料12月可上試萬九

佐丹奴:鄭志剛及陳世昌辭任非執董

調查:中國經濟本月難有起色 明年第一季將更差

都市網新聞