獨家丨陳敏之碌IG睇朋友BB相都被Stop 囝囝超級呷醋唔敢追第二胎

43歲陳敏之在新劇《黯夜守護者》中,飾演只差16年的江嘉敏媽咪「Da姐」,不過她接角色時完全冇掙扎。而有傳該劇是她在TVB最後一劇,她就澄清只是出晒存貨,加上暫時想專心湊仔,以及搞投資7位數的美容生意,她又自爆本身有意追多個小朋友,但囝囝妒忌心超勁,嚇到她唔敢生。採訪:杜杜 攝影:Stanley

43歲敏之同27歲江嘉敏跟劇中扮演的母女一樣,相差16年。

劇中敏之一直得到陳展鵬關顧,兩人互有好感。

《黯夜》中,敏之與江嘉敏相處更似朋友。

劇中講敏之未成年時,就為李國麟生了個女。

敏之暫時放低熱愛的演員工作,因為覺得現在囝囝子樂快將6歲是最需要陪伴的年紀,回想自己小時候父母都忙,少有親子時間好可惜,「我內心深處係冇乜家庭溫暖,我睇到自己咁,我家有能力做到,就要放棄一啲好長時間嘅工作,拍劇其實我好鍾意,睇返《黯夜守護者》仲好有戲癮,做演員好好玩,但一諗到幾個月返唔到屋企瞓,因為子樂太需要我,或者等佢再大啲先再拍返嘢。」

43歲的敏之身材依然好fit,最近為忙搞生意仲瘦多5磅。

獨資搞美容生意

錫子樂錫到燶的敏之,本來有意再追多個小朋友,但被囝囝的激烈反應嚇窒,「其中一個我唔想生嘅原因係佢好妒忌,佢上年見到我有啲朋友大咗肚,就問『媽咪點解佢會有個BB喺個肚入面,你唔好話畀我聽你會有BB,我唔要呀!我打佢㗎!我唔畀佢玩玩具!』,搞到我唔敢,我真係驚!佢嚴重到連我有時喺電話睇ig,望吓朋友啲BB,佢即刻話『熄咗佢,No!』佢都幾影響我,我驚生咗出嚟會好勞氣,佢又唔愛佢,但我老公話佢生咗出嚟一定好錫,同埋我而家生得出佢都大啦!」

早前敏之為囝囝考學際學校面試,要全英文對答緊張過自己考試。

不過敏之暫時應該都未有時間「造人」,因10月會投資7位數再做老闆,進軍美容界推出自家品牌「Shagic」,除了有自家研發產品,仲會代理其他貨品,「今次係獨資,雖然有請人幫我做,但係得我一個老闆。暫時係網站,但遲啲會有實體店,一步步嚟。」敏之最感恩好多朋友出心出力幫手,但之後要慢慢還人情債。

15年敏之跟友人合資開曲奇餅店,後遭債主入稟申請清盤。

敏之一年前在網上成立個人頻道,原來就是為了搞美容生意鋪路。

敏之在個人頻道經常訪問藝人朋友,反應相當唔錯。

向來保養得宜的敏之,完全無擔心生完第二胎走樣。

訂閱星島網singtao.ca電郵快訊,每天可收到最快新聞資訊: https://cloud.marketing.ccue.ca/singtao_subscribe

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

女優蒼井空重現經典「AV劇情」 於黃明志MV晒黑絲誘惑超短護士裙逐格睇

艾威前妻陳美玲大爆發 揭前夫近一年冇工開陷低潮8年暗示有人自卑心作祟

獨家丨41歲莊韻澄想大仔有伴兩年內再生 暫忘痛失第二胎一家三口樂園慶生

黃嘉樂親回離巢原因 成家立室後想有新改變 :畀機會自己睇吓其他嘢

都市網新聞