独家丨陈敏之碌IG睇朋友BB相都被Stop 囝囝超级呷醋唔敢追第二胎

43岁陈敏之在新剧《黯夜守护者》中，饰演只差16年的江嘉敏妈咪“Da姐”，不过她接角色时完全冇挣扎。而有传该剧是她在TVB最后一剧，她就澄清只是出晒存货，加上暂时想专心凑仔，以及搞投资7位数的美容生意，她又自爆本身有意追多个小朋友，但囝囝妒忌心超劲，吓到她唔敢生。采访：杜杜 摄影：Stanley

43岁敏之同27岁江嘉敏跟剧中扮演的母女一样，相差16年。

剧中敏之一直得到陈展鹏关顾，两人互有好感。

《黯夜》中，敏之与江嘉敏相处更似朋友。

剧中讲敏之未成年时，就为李国麟生了个女。

敏之暂时放低热爱的演员工作，因为觉得现在囝囝子乐快将6岁是最需要陪伴的年纪，回想自己小时候父母都忙，少有亲子时间好可惜，“我内心深处系冇乜家庭温暖，我睇到自己咁，我家有能力做到，就要放弃一啲好长时间嘅工作，拍剧其实我好钟意，睇返《黯夜守护者》仲好有戏瘾，做演员好好玩，但一谂到几个月返唔到屋企瞓，因为子乐太需要我，或者等佢再大啲先再拍返嘢。”

43岁的敏之身材依然好fit，最近为忙搞生意仲瘦多5磅。

独资搞美容生意

锡子乐锡到㶶的敏之，本来有意再追多个小朋友，但被囝囝的激烈反应吓窒，“其中一个我唔想生嘅原因系佢好妒忌，佢上年见到我有啲朋友大咗肚，就问‘妈咪点解佢会有个BB喺个肚入面，你唔好话畀我听你会有BB，我唔要呀！我打佢㗎！我唔畀佢玩玩具！’，搞到我唔敢，我真系惊！佢严重到连我有时喺电话睇ig，望吓朋友啲BB，佢即刻话‘熄咗佢，No！’佢都几影响我，我惊生咗出嚟会好劳气，佢又唔爱佢，但我老公话佢生咗出嚟一定好锡，同埋我而家生得出佢都大啦！”

早前敏之为囝囝考学际学校面试，要全英文对答紧张过自己考试。

不过敏之暂时应该都未有时间“造人”，因10月会投资7位数再做老板，进军美容界推出自家品牌“Shagic”，除了有自家研发产品，仲会代理其他货品，“今次系独资，虽然有请人帮我做，但系得我一个老板。暂时系网站，但迟啲会有实体店，一步步嚟。”敏之最感恩好多朋友出心出力帮手，但之后要慢慢还人情债。

15年敏之跟友人合资开曲奇饼店，后遭债主入禀申请清盘。

敏之一年前在网上成立个人频道，原来就是为了搞美容生意铺路。

敏之在个人频道经常访问艺人朋友，反应相当唔错。

向来保养得宜的敏之，完全无担心生完第二胎走样。

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。