鄧麗欣拉埋軒仔公開寸方力申 COLLAR送醬汁籃似足老人院探訪

張敬軒昨晚（26日）在紅館舉行第13場補場演唱會，他請來鄧麗欣（Stephy）及女團COLLAR任嘉賓。軒仔介紹Stephy上台時指兩人當年曾在電影《十分愛》有對手戲，他說：「你記唔記得其中有一幕，講我想媾你，你坐喺個鋼琴隔離，呆咗咁望住我，但係我睇唔到你對我有愛嘅眼神……你當時望慣咗另一個靚仔嘛。」Stephy搖着頭接着說：「其實我覺得個劇情都唔係咁好啦，你一個咁有才華靚仔，我喺戲裏面點解唔係揀你，揀咗阿力（方力申角色）嘅呢？劇情唔係好得。」軒仔即說：「戲外十幾年後，你揀返我咪得囉！」觀眾即時大笑拍掌。

 

Stephy跟軒仔合唱《十分愛》。

 

當年《十分愛》中Stephy和方力申也是飾戀人。

 

Stephy向軒仔送上電影《飯戲攻心》的門票。

 

「安歌」環節，軒仔請來第二組嘉賓COLLAR，8位成員拿出一籃醬汁送給軒仔：「我哋祝你愈食愈好，作品愈嚟愈『高汁』，有啖好食。」軒仔收醬汁籃笑言：「你哋真係有老人家心，各位睇吓，依家啲後生，送禮好似去老人院探病咁，我呢位院友多謝咁多位義工，叔叔降番落去先，轉頭帶你哋去睇金魚。」繼而COLLAR又跳又唱表演《Call my name》。 

 

COLLAR向軒仔送上醬汁籃，他笑言似老人院探望。

 

COLLAR又唱又跳，台下反應熱烈。

 

更多最新疫情資訊，請到以下專頁瀏覽 按此

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。