挨跌5萬蚊|借書櫃抽水 IKEA:小朋友推唔跌㗎

一名小童不慎挨跌旺角朗豪坊玩具店一個逾5萬元的「天線得得B」Laa Laa模型公仔,家長賠償逾3萬元,引起熱議。涉事玩具店隨後發聲明,指事件已即時處理,並在雙方同意下徹底解決,處理方法亦是由事主主動提出,強調沒有收取多於該貨品的售價,並重新審視所有擺設的展示安全。一向跟貼網上熱話的IKEA宜家家居亦發文「抽水」,分享一個書櫃產品的照片,並寫道:「家長們放心...我固定好晒,小朋友推唔跌我㗎!」

IKEA宜家家居昨晚在社交媒體專頁發文,並分享該店一個玻璃門書櫃產品的圖片,並在相中寫上:「「家長們放心...我固定好晒,小朋友推唔跌我㗎!」帖文又指,唔單止我,我喺IKEA店內嘅兄弟們,只要係可以固定嘅話,我哋都固定晒。所以家長們,即管帶你哋極活躍嘅小朋友嚟啦!」又加上「#建議返」、「 #有小朋友喺屋企」、「#所有櫃都要做加固」等hashtag。

宜家家居fb截圖

相關帖文隨即引起網民熱議,並獲不少人留言大讚「抽得靚」、「100分」、「抽得好快」等。另有人則笑言「推跌咗都唔使三萬幾㗎」、「唔使三萬幾,抵呀~」等,而宜家家居亦有回覆指,「我哋啲野好平㗎咋,不過安全起見最好就唔好推跌啦」。另有人則關注宜家家居專頁編輯的工作時間,「究竟你哋係返shift ,定on call 36小時?人工點計?單嘢夜晚發酵,咁嘅鐘數你哋都出到post ?!」,而專頁編輯則回覆指「其實我哋真係好鍾意返工」。

涉事小童的媽媽在網上發文表示,自己前日(22日)帶小朋友參觀玩具店時,無留意小朋友只顧參觀展品,「突然發生好大聲,轉身個公仔爆哂頭,個員工第一句就話我個仔踢個公仔」。她聽到後全家人「嚇到呆哂」,但與店鋪商議後,她和丈夫決定即時賠償3萬元了事,直言心理壓力很大。然而,隨後在看到網上流傳片段後,才發現店員所述與實際發生有很大出入。

網圖

網圖

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

13歲男童闖麥當勞甜品站整雪糕自肥 涉店鋪盜竊被捕

海怡半島及大埔海寶花園等屋苑污水呈陽性 政府派29萬快測包

今日睇咗未? 倪匡留醫多時身形消瘦 好友披露最後心聲:唔怕死當解脫\\澳門3天內第2次驗出芒果帶有新冠病毒 台灣批不科學

李家超新班子啟動 周日無休!

都市網新聞