《闔家辣》7.14上映成首部暑假賀歲片 君如向Edan追100張MIRROR飛

由鄭中基、梁詠琪（Gigi）、呂爵安（Edan）聯同身兼監製的吳君如主演的《闔家辣》，原定今年農曆年上映，但當時因新冠疫情嚴峻，戲院被迫停業，故電影無法如期上畫。但隨着疫情緩和及戲院重開，電影公司今日宣佈《闔家辣》將在7月14日上映，成為香港首部暑期賀歲電影，破天荒跟大家提早拜明年新年！

 

君如除了飾演搞笑姑媽外，也是電影監製。

 

當日君如教Edan演喊戲。

 

四位主角進行視像通話宣佈好消息。

 

四位主角得悉《闔家辣》鐵定於今年夏天賀歲，隨即透過視像通話一起興奮討論，鄭中基笑問：「又拜年？出年先啦！」君如笑言：「復活節起放咗兩個月暑假，我哋再一次恭喜發財唔可以咩？過年唔可以咩？」Gigi好奇一問：「暑假拜年？《闔家辣》幾時先上呀？」Edan心急回應：「Fans同隔籬三姑soon仔話等到頸都長，再唔上我就唔係處男作嘞！」你一言我一語下，君如正式搞笑宣佈：「《闔家辣》現在決定7月14日上映，唔係農曆，唔係羅蘭姐嘅農曆呀﹗」

通話中君如不忘窮追Edan早前託買的100張MIRROR演唱會門票，在戲中飾演Edan媽咪的Gigi插嘴說：「你媽咪唔係冇呀？」Edan誠懇回應：「盡力盡力！冇問題！」

 

君如即場向Edan追MIRROR 100張演唱會門票。

 

Edan真係一身MIRROR飛債。

 

更多最新疫情資訊，請到以下專頁瀏覽 按此

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。