謝天華離港工作自認不孝子 拍《披荊斬棘》與同房晚晚Man's talk

最近疫情幾何級飆升，人人自危！薛家燕、范振鋒及思敏，逢周六於新城主持的《開心大放送》也改了用ZOOM做直播，並邀請久未在港露面的謝天華做嘉賓。

早前在內地忙完綜藝節目《披荊斬棘的哥哥》及《大灣仔的夜》的謝天華，趕返香港與家人過年，並答應了家燕姐上節目大談近況，離港8個月的天華坦言掛住老婆仔女，「上去時間一定長，返嚟又要隔離，隔離28日我都試過。其實上面仲有工作，做完《大灣仔》返嚟香港過年、過節，我覺得自己係不孝子，搵食無可避免。」天華回來時給小朋友surprise，叫太太不要告訴孩子，7歲的大仔天天，看到爸爸回家時，竟呆了兩秒，如在夢中。

提到拍攝《披荊斬棘》時，與小春、林曉峰、MC Jin同房，「我由細到大未試過同其他人住宿舍，四條麻甩叔同房，仲要俾人警告唔好講咁多廣東話，我哋基本上冇早瞓過……宿舍係好懷念，歡樂時光特別快，拍完之後個宿舍要拆，收工大家喺度Man’s talk。」家燕姐搞笑問：「都係講女人嗎？」天華哈哈大笑說：「女人講家燕姐，講家燕姐都講一個通宵啦！」

 

新城節目《開心大放送》改了用ZOOM做直播。

 

家燕姐安在家中做直播。

 

家燕姐在《薛家燕愛你無限60年演唱會》曾邀請了天華當嘉賓及伴舞，家燕姐話：「好多人睇咗我哋part舞都讚，反應好好，本來有幾場巡迴都想請天華，我驚又肥咗佢抱唔起，又驚唔記得點舞。」天華笑說：「我哋改動作，改踎低，最後嗰part可以改家燕姐抱番我，哈哈……」

講到新一年大計，天華話：「有幾個方向，電影、網劇、真人騷亦有，仲有演唱會，係拼盤演唱會，即係好多artists嘅演唱會，(你哋大灣仔都可以開騷？)諗緊要就5個人個期，可能第時大家喺唔同空間都可以開到演唱會……」。

 

天華早前在內地先後拍綜藝節目《披荊斬棘的哥哥》及《大灣仔的夜》。

 

跟《披荊斬棘》同房晚晚Man's talk。

 

天華離開香港8個月，佢自覺係不孝子。

 

超掛住老婆同一對子女。

 

囡囡好嗲爸爸，見到都冧。

更多第5波疫情資訊，請到以下專頁瀏覽（按此）

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。