KB為咗對住個海食外賣漏低個袋 親述嚇到瀨屎過程

呢期有節目《玩x爆香港地》見街嘅KB尋日發生咗一件令佢嚇到瀨屎嘅事件,佢話一定要寫低,由於太傳神,所以原文筆錄:

話說我琴日收工同事頭婆提議去海港城懶有情調咁喺架車度對住個海港食外賣啦!我掛住食就隨手放咗個袋喺車後嘅士啤軚上面,食完之後就兩手fingfing咁上返車揸車返屋企喇~~~~~??‍♂️

懶有情調對住個海食外賣。

返到屋企開開心心拆下online shopping 傾住偈等睇《玩x爆香港地》 ,足足90分鐘,係90分鐘之後我先忽然發現「咦?仆街喇!我個袋呢?」

睇完節目先發現自己漏低咗個袋。

9秒9飛出門口 ??以打定輸數嘅心態返海港城博一博!擺喺條士啤軚上面呀…其實都真係唔知去到邊個位跌啦!

點知去到海港城一轉上停車場, 有三個姐姐放工行緊落嚟,一見到我已經揮手兼大叫:「喂~~~你係咪嚟攞返個袋呀?」「係呀,你點知呀?」「我哋睇CCTV呀,係你呀,紅色個袋吖嘛!快d去繳費處叫佢搵控制室啦,你個袋喺嗰度呀!」

嘩!開心到我!知道搵得返我就安樂晒喇!但係我事頭婆都仲係連滾帶跑咁碌去控制室咁我唯有追上去啦「都搵到啦,唔駛跑!」「大佬呀,我唔想俾人睇到我著住條睡褲喺海港城呀???」

好彩咋。

我真係真係要多謝 #一個海港只有一個海港城,一個咁細嘅失物都咁認真去對待,非常感激每一個幫手睇CCTV,寫報告,保管嘅每一個海港城員工!#好人一世平安

呢d就真係 good mamagement 喇!如果唔係新年流流前唔見晒證件呀卡呀都真係幾麻X煩!

題外話:試問當今世上除咗我之外又有邊個會放d膠曱甴喺個袋度隨時準備嚇人,而阿工作人員亦竟然細心地照寫喺報告度?

呢個好笑。

袋入面有好多膠小強。

題外話二:後來見到海港城阿保安主任都DM咗我,多謝你呀??‍♂️ 我會小心d喇!

感動DM

恭喜KB失而復得。
 

 

立即下載 | 全新《星島頭條》APP : https://bit.ly/3yLrgYZ

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

金賽綸涉醉駕撞毀公物主動賠償 《獵犬們》戲份全被刪

楊明燉湯店租約完實體店全執笠 轉做網購及批發唔使交貴租

林泳淘揸車過城隧發生恐怖爆胎事件 連環有阻滯嘆好黑仔

張敬軒誠實食評有讚有彈 遮遮煲雞腳湯似洗鑊水

都市網新聞