KB为咗对住个海食外卖漏低个袋 亲述吓到濑屎过程

呢期有节目《玩x爆香港地》见街嘅KB寻日发生咗一件令佢吓到濑屎嘅事件，佢话一定要写低，由于太传神，所以原文笔录：

话说我琴日收工同事头婆提议去海港城懒有情调咁喺架车度对住个海港食外卖啦！我挂住食就随手放咗个袋喺车后嘅士啤軚上面，食完之后就两手fingfing咁上返车揸车返屋企喇～～～～～??‍♂️

懒有情调对住个海食外卖。

返到屋企开开心心拆下online shopping 倾住偈等睇《玩x爆香港地》 ，足足90分钟，系90分钟之后我先忽然发现“咦？仆街喇！我个袋呢？”

睇完节目先发现自己漏低咗个袋。

9秒9飞出门口 ??以打定输数嘅心态返海港城博一博！摆喺条士啤軚上面呀…其实都真系唔知去到边个位跌啦！

点知去到海港城一转上停车场， 有三个姐姐放工行紧落嚟，一见到我已经挥手兼大叫：“喂～～～你系咪嚟攞返个袋呀？”“系呀，你点知呀？”“我哋睇CCTV呀，系你呀，红色个袋吖嘛！快d去缴费处叫佢揾控制室啦，你个袋喺𠮶度呀！”

哗！开心到我！知道揾得返我就安乐晒喇！但系我事头婆都仲系连滚带跑咁碌去控制室咁我唯有追上去啦“都揾到啦，唔驶跑！”“大佬呀，我唔想俾人睇到我著住条睡裤喺海港城呀???”

好彩咋。

我真系真系要多谢 #一个海港只有一个海港城，一个咁细嘅失物都咁认真去对待，非常感激每一个帮手睇CCTV，写报告，保管嘅每一个海港城员工！#好人一世平安

呢d就真系 good mamagement 喇！如果唔系新年流流前唔见晒证件呀卡呀都真系几麻X烦！

题外话：试问当今世上除咗我之外又有边个会放d胶曱甴喺个袋度随时准备吓人，而阿工作人员亦竟然细心地照写喺报告度?

呢个好笑。

袋入面有好多胶小强。

题外话二：后来见到海港城阿保安主任都DM咗我，多谢你呀??‍♂️ 我会小心d喇！

感动DM

恭喜KB失而复得。
 

 

立即下载 | 全新《星岛头条》APP : https://bit.ly/3yLrgYZ

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。