娟姐話識打籃球冇人信 晒舊照做證據又冇人認得

練美娟（娟姐）在ViuTV除了主持，近年亦參與不少劇集演出，早前在港版《大叔的愛》中飾演為食女同事Carmen姐的表現不但被網民大讚，就連日版《大叔的愛》中的本尊「舞舞」瀨川舞香（伊藤修子飾）都在社交平台表示有追看劇集，大讚娟姐演得非常好。

娟姐（右三）有份拍《季前賽》，佢喺記招話自己細個有打籃球但冇人信。

之前喺《大叔的愛》表現獲讚。

連本尊都Like爆。

 

娟姐昨日（27日）於IG透露，她下月即將為ViuTV新劇《季前賽》拍攝，而她為了證明自己真係識打籃球，特登搵返兩張舊照做證據，「喺記者會我講過小妹其實細個係打籃球嘅，然後隔住個罩都見到大家目瞪加口呆，唔緊要啦！當笑話聽完就算啦吓?」相信係娟姐中學時期影嗰張相，就大家都認得係佢，不過有機相信係小學時期影低嘅童年相，就引來好多網民留言話認唔到邊個係娟姐噃！就連岑珈其都留言：「邊個係你？」幸得熱心網民回覆，話身穿14號球衣的小女孩正是娟姐。陳子豐都盞鬼表示：「女大唔止18變喎……完全認唔出……??」乜真係咁難認咩？

 

冇人信佢，慘慘…

 

呢張唔會認唔到邊個係佢啦掛…

 

呢張就難估少少，不過好多網民都覺得係14號個小妹妹！

 

子豐個回應真係盞鬼。

 

 立即下載 | 全新《星島頭條》APP : https://bit.ly/3yLrgYZ

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。