娟姐话识打篮球冇人信 晒旧照做证据又冇人认得

练美娟（娟姐）在ViuTV除了主持，近年亦参与不少剧集演出，早前在港版《大叔的爱》中饰演为食女同事Carmen姐的表现不但被网民大赞，就连日版《大叔的爱》中的本尊“舞舞”濑川舞香（伊藤修子饰）都在社交平台表示有追看剧集，大赞娟姐演得非常好。

娟姐（右三）有份拍《季前赛》，佢喺记招话自己细个有打篮球但冇人信。

之前喺《大叔的爱》表现获赞。

连本尊都Like爆。

 

娟姐昨日（27日）于IG透露，她下月即将为ViuTV新剧《季前赛》拍摄，而她为了证明自己真系识打篮球，特登揾返两张旧照做证据，“喺记者会我讲过小妹其实细个系打篮球嘅，然后隔住个罩都见到大家目瞪加口呆，唔紧要啦！当笑话听完就算啦吓?”相信系娟姐中学时期影𠮶张相，就大家都认得系佢，不过有机相信系小学时期影低嘅童年相，就引来好多网民留言话认唔到边个系娟姐噃！就连岑珈其都留言：“边个系你？”幸得热心网民回复，话身穿14号球衣的小女孩正是娟姐。陈子丰都盏鬼表示：“女大唔止18变㖞……完全认唔出……??”乜真系咁难认咩？

 

冇人信佢，惨惨…

 

呢张唔会认唔到边个系佢啦挂…

 

呢张就难估少少，不过好多网民都觉得系14号个小妹妹！

 

子丰个回应真系盏鬼。

 

 立即下载 | 全新《星岛头条》APP : https://bit.ly/3yLrgYZ

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。