衛詩雅曾撞破男友偷打電話畀女仔 缺乏互信即場分手

衛詩雅（Michelle）最近擔任蝦頭（楊詩敏）和連詩雅（Shiga）主持的網台節目《絲打圍爐》嘉賓，一齊剖析出軌男。37歲的Michelle自言每次拍拖都缺乏自信，會偷偷Check男友手機；而最離譜一次，就撞破男友在Michelle家中房間打電話畀另一個女仔，男方「斷正」後分手。

Michelle指當時前男友一直躲在房間講電話，她進入房間，便聽到對方好正經談公事，但樣子卻很驚慌；此時突然電話響起，Michelle更眼利見到來電者是「陳生」（假設名字），但傳來的卻是女聲，Michelle說：「你哋明唔明？佢一聽就話晏啲打畀你！」Michelle當然無名火起，即質問男友為何女人名字卻叫「陳生」，男友聲稱兩公婆用同一個電話號碼，Michelle即叫男友在自己面前打一次給對方，但男友「死都唔打」，Michelle直言雙方已沒有了信任，所以決絕要求分手。

而最痛苦的，Michelle當時還要出房面對家人，她苦笑說：「你明唔明最慘係……演員囉真係，你喺間房好傷心，出到去仲要見到屋企人，話打牌啦咁，你明唔明啊？」Michelle直言當時好想癲，但原來事情發生了，此刻仍要冷靜面對。

衛詩雅話前男友當時拎住電話講公事，但電話又突然響起，大家明咩事啦。

分手後，仲要喺屋企人面前扮冇事。

 

衛詩雅有多個牌，最近考獲「蠟燭裱花導師」。

衛詩雅自言每次拍拖都缺乏自信。

 

立即下載 | 全新《星島頭條》APP : https://bit.ly/3yLrgYZ 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。