陳凱韻探訪視障人士學校 希望提供更多就業機會讓同學自力更生

陳凱韻、胡定欣和蘇永康昨日（5日）出席「心光125周年啟動禮」，楊潤雄教育局局長、林棣權心光主席及郁德芬心光院長均有參與。心光盲人院暨學校起源於1897年，明年2022年便成立125周年，並由昨日起至12月31日舉行一年一度的「心光傲行步行」籌款活動，陳凱韻呼籲大家要一齊參加，並共襄善舉。

陳凱韻說：「好榮幸能代表劉鑾雄慈善基金參與今次活動，作為香港現時唯一一間視障學校，心光咁多年嚟即使面對好多困難同挑戰，亦從未放棄為有需要嘅視障人士服務，所以絕對值得我哋支持。尤其喺疫情之下，要應付一啲前所未見嘅難題。」而作為僱主，陳凱韻更希望多出一分力，提供更多就業機會予視障人士，她說：「我哋可以盡力畀佢哋發揮所長，自力更生。當同視障人士相處時，要將心比己，注意佢哋嘅感受。對我哋嚟講輕鬆做到嘅嘢，對視障人士可能充滿挑戰，所以我哋應該對佢哋保持鼓勵同樂於協助嘅態度。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。