Kelly Online: 王晶再向網絡女神挑機「唔買樓可瞓帳幕」

早前無線節目《網絡挑機》掀起全城熱話，但話題仲未完！土生土長的英菲混血網絡女神Asha Cuthbert日前上載一段名為「Dear TVB」短片，用純正廣東話《網絡挑機》洗腦兼扭曲價值觀，又指導演王晶在節目中話Youtuber賺唔到錢買樓偉論，「梗係好唔忿氣啦，點解我一定要賺到好多錢先叫成功呀？我做緊我想做的事，已經好成功喇喎。」 Asha握實拳頭咁話：「我係為我自己做事，呢一種唔係一種成功咩？係，我係要交租，但我可以慢慢儲錢，總之我可以做我自己想做的事，已經係一種成功。......至少嘗試過（做自己喜歡做的事），失敗過，都算啦，好過完全冇去嘗試。」

王晶在節目中又寸Youtuber將來老了，都係返去同老婆睇TVB劇，Asha就反問王晶，點知別人老婆將來係咩人，仲好肯定咁話如果自己有老公，對方都唔會睇TVB，「I would not fall in love with someone who love watching TVB（唔會同鍾意睇無線的人拍拖）！」短片上載3日已有超過17萬點擊率。

王晶今早凌晨4點左右在微博反擊女神，話「搵個鬼婆話我認為買到樓係成功係同香港人洗腦，要做到自己喜歡的事才是成功。對不起，在下兩樣都做到！」佢話自己「20歲成名，22歲買樓，25歲做導演，紅足40年，......，我喜歡做的事全部成功。你地唔喜歡買樓可以繼續帳幕！吹得我脹咩？」該條微博上載後，短短6小時已有148條轉發及近3000個讚好。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。