Kelly Online: 王晶再向网络女神挑机“唔买楼可瞓帐幕”

早前无线节目《网络挑机》掀起全城热话，但话题仲未完！土生土长的英菲混血网络女神Asha Cuthbert日前上载一段名为“Dear TVB”短片，用纯正广东话《网络挑机》洗脑兼扭曲价值观，又指导演王晶在节目中话Youtuber赚唔到钱买楼伟论，“梗系好唔忿气啦，点解我一定要赚到好多钱先叫成功呀？我做紧我想做的事，已经好成功喇㖞。” Asha握实拳头咁话：“我系为我自己做事，呢一种唔系一种成功咩？系，我系要交租，但我可以慢慢储钱，总之我可以做我自己想做的事，已经系一种成功。......至少尝试过（做自己喜欢做的事），失败过，都算啦，好过完全冇去尝试。”

王晶在节目中又寸Youtuber将来老了，都系返去同老婆睇TVB剧，Asha就反问王晶，点知别人老婆将来系咩人，仲好肯定咁话如果自己有老公，对方都唔会睇TVB，“I would not fall in love with someone who love watching TVB（唔会同钟意睇无线的人拍拖）！”短片上载3日已有超过17万点击率。

王晶今早凌晨4点左右在微博反击女神，话“揾个鬼婆话我认为买到楼系成功系同香港人洗脑，要做到自己喜欢的事才是成功。对不起，在下两样都做到！”佢话自己“20岁成名，22岁买楼，25岁做导演，红足40年，......，我喜欢做的事全部成功。你地唔喜欢买楼可以继续帐幕！吹得我胀咩？”该条微博上载后，短短6小时已有148条转发及近3000个赞好。

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。