人妻岑麗香連環貼婚照　開心Share幸福時刻　

岑麗香（香香）與Joshua（強強）拍拖年半，日前18號於溫哥華浪漫完婚，兩公婆勁甜蜜，人前人後都拖到實，又肉緊咀嘴晒恩愛。隔咗3日，香香似乎有時間整理大喜日子的照片，回味當日的甜蜜後，仲開心些牙靚相。

沉醉在新婚喜悅的強嫂一次過上載十多張婚照，又騷胸又騷靚腳，有靚人有靚景。一拋即接中花球的欣宜亦有被影低，原來佢除晒鞋成副戰鬥格，睇佢個樣肉緊到呢！仲要得佢一個人接，爭都唔夠欣宜爭啦吓話。

當中有一張婚宴的黑白相，強嫂與強強笑得好燦爛，而香香面上係流晒眼淚，呢啲就係喜極而泣，幸福的眼淚。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。