爆樂仔講鹹濕嘢粗口橫飛　千嬅禁囝囝探班

電影《春嬌救志明》一眾演員楊千嬅、余文樂（樂仔）、林兆霞、陳逸寧、蔣夢婕現身中環海濱旁的摩天輪進行拍攝，老闆林建岳都有到場。

余文樂透露劇情講述跟女鄰居到現場玩，但沒有千嬅的戲份。對於第三集的突破，千嬅笑言今次是新劇本並非拍回以前的事，還有新角色，當中有幾場戲頗貴。對於戲中感情線，千嬅自言經常沒有床上戲，樂仔就踢爆千嬅會大玩制服誘惑，做回老本行幫人打針。千嬅即謂：「成日同導演講啲鹹濕嘢，我係有夫之婦又唔可以駁嘴，但場戲係有原因去演。可能導演想睇係點？導演成日將夢想同理想擺喺我們身上。（扮私家醫院定政府醫院？）母嬰健康院。」

樂仔駁嘴笑謂千嬅應留給老公，公器私用。問到可有介紹女生給樂仔？千嬅稱樂仔嫌三嫌四，又反問樂仔能否接受曾傳緋聞的周冬雨？樂仔笑言年紀大過自己安全感會更好，隨即伏在千嬅膊頭。他說：「你睇我幾有安全感，見你結咗婚，唔係我你呀！」

談到戲中有場倒吊瑜伽戲份，千嬅表示幾練習了兩日，但人生應久不久久倒吊，不過有地心吸力擔心塊面「Dum」。她說：「我個人幾保守同傳統，近得多呢兩個人會洗腦，我唔畀個仔來探班，全部人好入戲啲粗口飛來飛去，唔知點交代。」提到該片班底有位疑似里安納度狄卡比奧，她笑言未知導演如何使用，因為每日也有改動，連她也想入鏡好似標尾會的心態。

導演彭浩翔表示今次加入台灣、內地及外國演員外，還有非人類的角色，兼有CG及武打場面，務求畫面有非一般的感覺。至於今次請來里安納度狄卡比奧其中一位替身演出，是否因里安納度真身片酬太貴？他說：「真人唔識講廣東話，呢個最後考慮選擇的原因。（有冇聯絡過里安納度嗰邊？）唔知，要問電影公司。」（攝影：譚志光）

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。