展鵬左耳縫６針　稱並非胡定欣打傷

陳展鵬日前拍攝新劇《同盟》一場打戲時不慎傷耳朵見紅，今晚展鵬復工現身電視城繼續拍攝，眼見其左邊耳珠位置包了紗布，問及到他因受傷縫6針，他坦言「好小事」，是皮外傷，「因為傷的位置唔係咁靚，所以怕細菌感染。暫時會拍住右邊臉，側面都OK的。」

問到當時是否流血不止，他說：「傷口唔算大，我血氣都幾好。當時按住一會都無事，但同事畀相我睇個傷口唔係咁靚，下次要撞靚啲。(你咁搏命，今年視帝非你莫屬？)個劇明年先出，其實個個演員都好搏命，之前有些（演員）傷得比我嚴重，自己都做好本份。」

對於胡定欣都好擔心他的傷勢，他表示，「係呀。(之前有傳胡定欣打傷你。)唔係，唔關佢事，當時唯唯同定欣都在現場，唔誇張少少邊有人睇。」他更指媽咪並不知情。

是晚胡定欣亦現身電視城，問到是否其錯手打傷展鵬，她回應指當時事發太快，都不知道是怎樣，外景又黑。定欣又表示未見到展鵬，不知道對方的傷口情況，開工時會了解下。對於對方受傷，問到會點向對方彌補？定欣就說:「拍打戲又唔係第一日，每次拍打戲同事都會好緊張，最好就係安全完成整件事。」

講到其日前在微博留言都有內疚，她表示拍檔受傷都會很擔心都正常，「之前我扭傷腳，劇組的人都好擔心囉。(會點賠罪?)請食野的隨時都可以食，希望餘下的戲份都可以拍得小心點。(會因為這劇打出愛火花?)在劇入面就真係打出愛火花，我們很多動作，出來會很吸引。」

問到好友胡杏兒是否有喜，她表示不是，只是大家為其心急，講的是祝福，「期待2017年聽到她的好消息。(上契？)無所謂，5個契媽肯定錫到佢燶啦，第一個baby，祝福佢已經OK，等佢消息啦，唔使成日提住。(有報道話計劃明年生B？)我都唔知個消息係邊到嚟黎，生暗瘡就有。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。