鍾鎮濤奪音樂成就獎　最想紅館開騷

歌手JW（王灝兒）、鍾鎮濤（阿B）、方皓文等出席「2016 CASH週年晚宴暨金帆音樂頒獎典禮」傳媒午餐會，大會揭曉「2016Cash 金帆音樂獎」最後五強名單及公布鍾鎮濤奪得「CASH音樂成就大獎2016」。

對於獲獎，阿B笑言會寫新歌慶祝，又透露明年計劃推出黑膠Hifi碟，因為太耐無唱廣東歌，又指自己有三十多件事想做，當中大部份有關家庭及子女，又想於紅館開演唱會。他說：「演唱會唔係我話得事，雖然有投資有主辦，但紅館都要有期，之後先再考慮巡迴演唱會。想做事情的名單裹面有啲事好簡單，例如去京都，但之前已經去了，仲想睇動物大遷徙（抱孫？）唔好咁快，等個仔叻啲先，唔係我養埋。」明年64歲的他，笑言如明年開個唱可唱「When I'm Sixty-Four」，又指將於12月到深圳拍內地劇。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。