陸浩明想買樓結婚　肥媽預備送龍鳳鈪金豬

肥媽（Maria Cordero）和「契仔」6號（陸浩明）拍住上出席健康食品活動，6號表示跟女友早前到澳洲旅行慶祝拍拖五周年，但無想過於當地求婚，因為行程太趕，而且想鋪排得更好。談到結婚買樓，6號稱想下年做業主兼結婚：「結婚睇下住邊？要睇下肥媽有冇屋，未上到車就自己租屋住，預首期如無80、100萬都好難。（達到目標？）仲欠7、80萬，希望下年成事。」他又笑言結婚傷腦筋，既要儲首期又要買戒指，所以買戒指會較容易，只是價值約五位數（以萬計）。

肥媽說契仔6號結婚一定會做足預備，送一對龍鳳鈪及金豬畀契新抱，又謂最想抱契孫。她說：「而家啲人搵我工作，我都搵埋陸浩明，因為拍開檔有默契。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。