林二汶開騷爆喊向教練示愛：要嫁都揀呢種男人

林二汶於麥花臣場館舉行一連兩場「PEOPLE LIKE US音樂會2016」，昨晚進行首場，並獲胞兄林一峰、林嘉欣、卓韻芝等現身支持。

一開場，一身黑色打扮的林二汶現身後，獻唱歌曲「Do you love me」時，更示意叫觀眾起身睇騷，現場觀眾也一呼百應齊齊站立。最搞笑有觀眾叫她除衫，其後她除下外套，笑謂覺得好熱，又指自己好有福氣，身材越來越好，亦遇到好多好老公，一出世就遇到哥哥，又指音樂上好多人幫她，例如HUSband同Fergus。

為了膝蓋痛而減磅的二汶，換上T-shirt、牛仔褲後，笑言自己終可穿上，又指想做偶像派，但解釋減磅只因膝蓋痛。她說：「好多人就話做偶像派要著高跟鞋同短裙仔，但自己諗住做著T-shirt牛仔褲的偶像。」二汶又指做運動減磅過程，不得不提識幾十年的好友Wallace，對方是她的營養師兼教練。她說：「呢幾個月陪我做運動，昨（前）晚因八號風球半夜先嚟排練，他專登吃完飯過嚟操線條同行山，行山時好似只得苦澀味，但坐下來發覺生活很好、好甜、好清涼。」隨後她獻唱「漣漪」送給對方，兩人互相擁抱，令她感動落淚。她說：「I love you，我話咗唔喊，但為咗你。」

個唱期間發生小意外，場館突然無冷氣，更有觀眾大叫可否開冷氣，現場可見消防燈著了。二汶即謂場館冷氣出問題，叫觀眾要涼就站起來，輕鬆地打圓場。

二汶接受訪問時，提到早前在音樂會墮台受傷，今次沒有冷氣可覺「黑仔」? 林二汶說：「因為太旺啦！再上台有陰影，會留意返地下有幾條音響線。」談到好友Wallace，她表示兩人於04年認識，曾經跟對方學習修身，又謂開騷前是對方的公司15周年，當時獻唱過「漣漪」。二汶說：「他估不到我在現場再唱這首歌，我又唔知他坐第一行，他喊喎！我都忍唔住。（會否擦出火花?）如果真係要嫁都會揀這種男人，又大隻、個胸大過我。（發展機會?）應該無，他真係好搶手。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。