奪星和視后特別鳴謝陳展鵬　胡定欣：幸運遇到你

胡定欣憑《城寨英雄》刁蘭一角打低田蕊妮等強敵，奪得我最愛TVB女主角，並在緋聞男友兼劇中好拍檔陳展鵬手中領過獎座。

定欣坦言過去一年事業上的變化令她大感壓力，「我覺得我今次係挑戰成功，係未出街之前，我好擔心究竟觀眾睇到呢個角色的我，個反應會係點？最後你哋的反應話畀我知，我今次係成功咗，多謝你哋！」最後她認真謂要特別多謝一個人，然後看著緋聞男友陳展鵬，展鵬愕然說：「多謝我？好多驚喜喎今日呢件事！」定欣笑謂：「咁你可以唔聽的。」展鵬說：「咁又唔得，你咁有誠意。」定欣認真說：「我好開心好幸運遇到呢個拍檔，能夠係呢個角色或者呢個劇上遇到呢個對手，我覺得好幸運，亦好多謝你，我記得拍的時候你畀好多support我，你叫我放心去做啦，一定得，因為大家都知道刁蘭呢個角色對我嚟講好緊要，所以好多謝你。」展鵬說：「ok，我都好多謝你。」展鵬擁抱定欣，場面感人。

另外，陳展鵬憑《城寨英雄》與《公公出宮》的黎耀祥齊奪我最愛TVB男主角。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。