水中夾Band　鄧建明爆太極想浮台開騷

擔任音樂大使的鄧建明（Joey Tang）與雷有暉出席「銀礦灣沙灘音樂節2016」，Joey稱2006年首年舉辦該音樂節經已擔任音樂大使，更大讚梅窩既可欣賞景色又能聽Band sound，又指參與今次音樂節的樂隊要有實力才可參加。問他太極樂隊可會考慮舉辦沙灘演唱會？Joey笑指蛇哥（盛旦華）於廿年前已構思不如在浮台開騷：「啲人點睇呢？諗嘢好科幻，所以最終無得玩。」提到鄭中基於賀歲檔期於紅館開個唱，Joey表示暫時未能透露，因為是秘密武器，但笑謂自己身為樂隊隊長要準備好多利是派發。

提到早前LMF演唱會有人掟樽，Joey說：「我哋唔怕，呢個音樂節好和平，又唔係話人哋嗰啲唔和平，同埋喺海攤玩咗成日無力掟，如果大家想睇騷之前要畀佢哋玩啲嘢先。」雷有暉則指參與人士也會玩得好節制，又謂在海攤玩令到酒精散發得快。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。