「ViuTV個乞兒呢…」　古天樂親解爆seed之謎

壽星仔古天樂今晚出席意大利時尚品牌FENDI的廣東道旗艦店開幕禮，生日撞正八號風球兼要開工，古仔表示第一年打風過生日，特別有意義。談到昨晚慶祝生日很盡興，他說：「係，好盡興。（high high哋？）有少少，收到祝福。（大家催你結婚。）係卦。（叫你搵個古太。）佢哋搵古巨基太太。（你個古太呢？）咁啦…（自己心急嗎？）佢哋講笑冇催我。」

提到昨晚他在Facebook live上突然爆出一句「我希望阿ViuTV個乞兒呢…」，他解釋表示有個圈外朋友被邀請客串ViuTV節目一個角色，朋友因沒時間而推卻，但電視台仍連番遷就，古仔問好友演甚麼角色，好友說是飾演乞兒，所以他笑着祝對方飛黃騰達，憑這角色上位，由於對方是圈外人而沒開名，所以乞兒是指朋友所演的角色。

問他怕不怕有人誤會？古仔即說：「昨晚講咗都即刻唉…（怕ViuTV老闆不高興？）係呀。（需要澄清？）依家澄清緊。」古仔嚴肅表示言語上要講聲不好意思，希望大家不要誤會，再强調只是說朋友扮演的角色是乞兒。問到古仔日後會否不再玩直播？他說：「佢哋話唔好失手勢，不過下次都係唔好直播喇，飲得開心得滯又唔知講乜。」古仔於活動後趕去與家人食飯慶祝生日，願望是身體健康。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。