Kelly Online：長洲包山后「蜘蛛女」鄭麗莎懷三胞胎待產

「蜘蛛女」鄭麗莎（Lisa）蟬聯7屆長洲包山后喺2013年誕下大仔汪晉頤，早前再度懷孕，仲要一佗就係三胞胎。呢位強人媽媽最近分享懷孕經歷，見到Lisa挺住巨肚都面不改容，小妹真係要講句「媽媽真偉大」！

鄭麗莎曾經講過要生半打小朋友，今次一次過懷有兩女一子，睇嚟連個天都想幫麗莎達成目標。Lisa話而家個肚一星期比一星期大， 連微絲血管都開始爆裂，搞到成日唔知坐好定企好。醫生就話三胞胎可以橕到去34週已經算達成目標，又話Lisa目前肚內BB大細同胎水都好正常，如果有任何一樣唔合格就要安排開刀，搞到Lisa每次產檢都非常緊張。

Lisa目前距離預產期只有一至兩星期，就快可以迎接3位新成員，佢就希望大仔可以同細佬妹相親相愛，要做一個好榜樣。小妹雖然未為人母，不過見到Lisa的懷孕經歷，真係令小妹好感動，一定要加油呀！

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。