【比卡超襲港】訓練員迫爆公園　「打橫行」惹街坊不滿

《Pokémon GO》熱潮席捲全港，不少港人化身「小精靈訓練員」，湧出街頭捕捉小精靈。本港多個地區的公園繼續有大批市民聚集，當中屯門公園有近百人專注捉小精靈，場面墟冚。不過，有市民就不滿街頭的「訓練員」日漸變多，大部分「訓練員」眼中只有電話，不顧身邊人士，極容易發生碰撞。

有網民就在社交網站「屯門友」群組表示，「呢班人除咗低頭之外，仲會突然加速、轉彎、停低，企正路中心，完全唔理會其他人，極之容易發生碰撞」。他又指，「今日就差啲被幾個追精靈一族『打橫』喺我面前衝出嚟撞到，雖然係行人路，但係唔代表可以不顧其他人」。

該網民又表示，親眼目睹有人腳踏滑板追精靈，呼籲各位「訓練員」在玩樂同時，亦要留意其他人同道路使用者的安全，不希望見到「樂極忘形，樂極生悲」。

另外，有其他網民留言指，「撞到大肚婆，老人家，小朋友就麻煩，唔該各位玩家自重下！」、「昨晚海濱公園跑步，見到成公園都係人，個個都好似行屍走肉咁望住部手機，唉可憐」，亦有網民提醒「除左小心睇路，仲要小心被搶電話」。

有議員擔心市民聚集地方容易引起治安問題，警務處處長盧偉聰較早時回應指，會加派人手到遊戲熱門地點巡查。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。