Kelly Online：任天堂未決定會否推出港版《Pokémon GO 》

任天堂早前推出手機遊戲《Pokémon GO 》，隨即引發全球捉小精靈熱潮，雖然香港一直都未有得玩，但係已經吸引唔少玩家下載海外版嘗試做訓練員。小妹就一心諗住等官方推出香港版先慢慢玩，點知原來任天堂仲未決定會唔會喺香港推出遊戲！

呢幾日網上瘋傳話港版《Pokémon GO 》會喺今日早上9點至10點推出，可惜最終證實只係一場空歡喜。正當香港粉絲等到頸都長時，有傳媒就向任天堂查詢，得到Pokémon GO發行商發言人回應:「Pokémon GO未決定會否在香港及日本推出，我們會按次序推出(遊戲)。」

相信唔少玩家聽到呢個消息都一定好失望，不過唔緊要，大家繼續玩住海外版先，希望任天堂好快就有進一步消息啦！

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。