林海峰是但噏金句语录

捍卫广东话：你哋听K-Pop学韩文，唔会因为我首广东歌，而学好广东话？30年后，向广东道讲广东话，仲有冇人识听？撑香港已成风土病，有香港成分就盲撑，就嚟香港脚都撑，香港人行香港路。

打工仔心声：冇人钟意起身返工，但返一份钟意人工的工就唔介意起身。浪漫是取决于够唔够浪费，人不够浪漫是因为人工不够浪费。香港人人搭加航，全名加班航空，OT Airline，廉航来的，仲系飞一世。低层是废青，老细是杰青，中层就是凄清。既然低层是废柴、高层又无可取代，所以中层就是无可取代的废柴，专负责食屎和执屎。

怪兽家长：香港家长压力好大，尤其是小朋友考试季节，内心的菩萨都变恐怖分子拉登。万般带不走，唯有（作）业 随身。家长得闲去搞嘢，小朋友多啲去郊野，教育o既嘢，大家出来求财，唔使攞人命嘛！

新饮食态度－懒系简单：香港地道美食的共通点系，品牌有名气，老板有霸气，厨房有镬气，招呼有脾气，门口有人气（长期排人龙）。遇上恶劣招待，甚至被叫“咪链嚟”（米芝莲），都会令人愈叫愈要嚟，因贪佢有星，咩星？系La 星！香港除了系美食天堂，仲叫乞食天堂（受气都要乞求去食）。

狮子山精神：常言道狮子山精神，点解香港咁多个山，狮子山宁舍精神？其实其他山都好精神，只系无Pub歌。大帽山平日唔会去，天寒地冻才会去，“条命我自己o既”！香港支旗最近有少少软濑濑，可能受狮子影响，狮子又似有精神病的开始变种，变成撕裂，撕裂比狮子凶猛，把香港几百万人撕开一碌碌碎上。美容院系毁容院？新闻自由玩完、港产片玩完、广东歌玩完、广东话玩完、和谐玩完、香港玩完喇，我顶！

合家欢坐七人车：香港好多七人车通街走，但人齐坐满就会有好多要求，同一部冷气要调教不同的温度，同一时间要调教不同的音乐，但一国两制系唔存在。真正的和谐唔系七个人同一方向，系七个人唔同方向，而又互相尊重，驾驶的车才是和谐号。

其他金句：以前的手提电话好似哑铃咁重，但拎得起放得低，现在的系拎得起放唔低。木口木面相反词系high口high面。香港人做足反应，行又行过出街，瞓又瞓过马路，最紧要系有无镜头take你，即系有冇人睇你台戏。高中女无忘初中，扮晒眼大、腰细、脚长、讲话仲高八度，但有样系真，就系乞人憎。电影《英雄本色》是香港经典电影，无得回去，但要告知大家，我哋唔见咗o既嘢要自己攞返！做香港人！

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。