林海峰楝篤笑讚3位民間特首：黎明講對唔住冧香港人

林海峰（Jan）昨晚在紅館舉行的首場楝篤笑中，以爆笑金句嘲諷時弊，其中稱讚深受支持的3位民間特首周潤發、劉德華和黎明。

Jan認為香港需要正能量，因此3位民間特首在市民心目中的支持度一個比一個高和受歡迎，並謂：「第一個是來自南丫島、絕對是香港仔一名，發哥行親民路線，識行的好襟行，唔識行就會腳痛；劉德華就主要說過一句話『今時今日咁o既服務態度係未夠』，不過最重要還是這句『有你有我有情有海有天有地』，但無貪；至於第三位是黎明，他的金句是哲學，通常取消一個演唱會俾人鬧到爆，但唔做個表演反應好過做，即係唔做好過做，有誰能這樣，想爆頭都仲有個董建華，他卸任特首後反而很多人對他更好。摩西將紅海分開，黎明卻將核心外圍和內圍連成一線（引來大批人到添馬艦聽免費演唱會），講真，黎明未成為民間特首前係有少少離地和浮腫，但現全變黎明營，最重要係取消了演唱會，同大家講『對唔住』再加多句『我愛你』，呢啲咪冧囉，香港人好耐未俾人冧過！」

壓軸環節，Jan與葛文輝重演「高山青龍」合唱連串改編歌詞的金曲，又一唱一和寸爆身邊時事，笑爆全場。二人說「有部手機就唔需要睇大台」，直指很久沒看翡翠台；又要一齊向強權說不，「如果二次創作要交稅就慘，無二次創作唔通要睇一次創作？依家啲一次創作都唔知死晒去邊！」他們更稱「自己樂壇自己救，今日樂壇的金童玉女是毒L吳業坤和肥妹鄭欣宜，又有做完巡迴、真人騷、評判、結完婚、生完仔的歌手回歸樂壇。」二人演唱最後一首曲目時，再揮區旗引領全場高呼「我撐香港」！（攝影：林子棠）

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。