彭懷安唔認4年前偷食：識Crushy係一次性

彭懷安（Eddie）參與的新劇舉行開鏡儀式，提到有網友發現他4年前背住當時女友朱慧敏的偷食對象，正是ViuTV真人騷《慳D啦Honey》參賽者Crushy。他說：「首先我冇偷食，有送她返家，但我唔識她。（被影到拖手？）係，識的意思係一段時間，但呢個識係一次性，她飲醉咗送她返家，當時仲有一班朋友。」他直認4年前當時跟朱慧敏拍拖，又承認跟Crushy拖手自己有問題。

提到Crushy於節目上指被同性好友撬牆腳，Eddie說：「識咗一次性，我唔知其他嘢，咁要問返佢啦。」他表示跟朱慧敏現時是生意夥伴，但事件已是4年前，自己從錯誤中成長，現時做好自己的事。自言工作忙沒時間睇該節目的他，被問到可認得Crushy？他說：「大家send片同相畀我，要我記得，大家令我溫故知新，以後我不會再犯。」（攝影：朱偉彥）

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。