通頂收工搵禮物　田蕊妮多謝老公花心思慶鋼婚

鄭嘉穎、田蕊妮（阿田）等出席無綫新劇《迷》開鏡拜神，嘉穎透露劇中飾演膽小警察；阿田則飾演知識份子，相信知識改變命運，但因鑽牛角尖而走歪路。她說跟嘉穎開工個多月，剛剛才有對手戲，之前兩人曾合演過《Only You》也沒太多對手戲，所以大家一直都想再合作，今次終於成真。

提到有指阿田因喪母打擊，被老公杜汶澤督促睇中醫？阿田說：「只是調理身體，唔關事。」對於剛度過結婚11周年，她笑言頗開心，因為老公不在港沒一起過，但有多謝老公。她說：「他收埋份禮物，當日我收04，但跟住開06，返到去要搵禮物，我覺得係一個整蠱，但我好感動，他都仲花心思氹我。」阿田搞笑轉移話題問及在旁的嘉穎感情如何？嘉穎即謂：「等我11周年後再話你知仲會唔會氹佢。」提到女友陳凱琳早前生日上載單人照慶生相，他說：「有啲嘢唔使咁咩，我鍾意有私人空間，我的年代同她有不同，現在好興乜都擺上社交網，我比較保守會擺在心中。我同她知就得，唔使一定全世界知，最重要大家開心。」（攝影：朱偉彥）

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。