黃大仙驚現「M巾黨」 訛稱女兒嚟M呃好心車主給錢 擸錢後即露出破綻

黃大仙出現「M巾黨」，有女事主日前在社交網絡發文指，本月25日，她駕車到彩虹道體育館外面等接小朋友，一名赤膊男問她借M巾，聲稱女兒剛M到，女事主不虞有詐借了50元給他購買，殊知男子收錢後露出破綻，並非朝萬寧方向跑去，而是急急腳奔向滿是車房的街道，事主懷疑受騙。

男子聲稱女兒M到騙錢。fb：GlowingFalcon9856

男子聲稱女兒M到騙錢。fb：GlowingFalcon9856

男子得到50元跑向滿是車房的街道。fb：GlowingFalcon9856

男子得到50元跑向滿是車房的街道。fb：GlowingFalcon9856

男子得到50元跑向滿是車房的街道。fb：GlowingFalcon9856

事主在網上慨嘆：「呢位大佬，你呃我可唔可以呃到底？點解唔向前跑要向後跑？後面嗰條街乜都冇，剩係得工廈同車房」。由於對方一口純正廣東話，加上銀碼不大，事主沒有太大戒心而上當。

事發於本月25日中午，女事主駕車停在彩虹道體育館外面等接小朋友，突然有個男人走來，他上身沒有着衫，下身跑褲，手上握住一條T恤，事主網上形容對方尷尬地問：「你會有M巾？我個女係廁所M到，但冇帶M-巾…」剛巧她沒有隨身攜帶，所以表示沒有。

過了三秒，他又問：「我冇帶錢，你可唔可以借$50俾我，我去前面轉彎間萬寧買M-巾俾個女，佢係廁所入面好耐都唔夠膽出嚟！」事主於心不忍，給了他50元，

她寫道：「其實冇打算要佢還，因為唔想俾我手機號碼佢。結果佢攞錢後九秒九向後面跑左去。」事主一度想落車追截，但又怕違泊被抄牌，因小失大。

事主引起網民熱議：「如果佢一小時呃到幾個，時薪幾百蚊」、「你應該比d用過嘅佢」、「50蚊可以笑一日都可以嘅」。