歐陽震華幫口吳若希：同大小姐比唔公平 《愛回家》舊班底入晒骨髓換班似轉廚房　

歐陽震華撐老友周家怡，現身戲院睇《媽樣年華》。他接受訪問，解釋，剛才談到與周家怡相識經過，直言從《火舞黃沙》一劇中留意到周家怡。當年周家怡飾演一名有兔唇缺陷的少女，他相當有印象：「佢都肯做！因為個角色，搵個唔係咁靚嘅女仔做，就嘥咗。後尾我哋拍咗套《不速之約》，講佢暗戀我。」問他會不會再拍港劇？他回答：「都係嗰句，沉澱吓。」稱上一套港劇已是《伙記辦大事》。「疫情之後簽咗新公司，逐步嚟啦。」坦言現時工作集中拍攝內地節目。他分享現時生活趨向平淡，不同以往，放假時一定要出街；疫情後反而習慣了減少外出，留在家中食飯，亦因此減磅，「少油，飲食方法唔同咗，個人咪瘦啲囉，唔使擔心！」

歐陽震華欣賞吳若希直腸直肚

早年歐陽震華客串《愛・回家之開心速遞》。問他覺得新版《愛・回家之三代同糖》如何？他回答：「好難講嘅，千幾集你睇慣嗰班人，攞起碗飯夾餸就係睇嗰班人，你諗吓呢班人，已經入晒骨髓，食飯應該係見到呢班人。呢班唔係人，係餸嚟！突然間換咗，唔係唔好食，係轉咗廚房，食得出嘅。都要一段時間慢慢習慣同消化。」直言質素不差。「幾年時間，一下改晒就唔好睇，有進步空間先好睇。」怎樣看吳若希被踢出劇組？他回答：「講真，吳若希喺我心目中都係有嗰句，講嗰句，幾勤力嘅女仔。之前睇佢嗰套《香港人在北京》做得幾好㗎。」續說，把她與《愛・回家之開心速遞》的「大小姐」林淑敏相比，對她是不公平：「慢慢嚟啦。」

歐陽震華形容︰「《愛回家》舊班底入晒骨髓，換班似轉廚房。」　

歐陽震華、陳家樂、霍汶希撐老友周家怡，現身戲院睇《媽樣年華》。

TVB全新處境劇《愛‧回家之三代同糖》劇照，吳若希表現被鬧爆。

歐陽震華幫口吳若希，「同大小姐比唔公平。」

歐陽震華直言從《火舞黃沙》一劇中留意到周家怡。當年周家怡飾演一名有兔唇缺陷的少女，他相當有印象。

周家怡期望同歐陽震華合作。