林寶玉任女團評審遇「騎呢」參賽者 「最索經理人」被Gen Z潮語考起

林寶玉日前為亞洲心動娛樂節目擔任評判總監，為該項目選拔女團成員。據悉，今次活動一共招募12位女團成員，並計劃正式出道成為藝人，活動不設年齡限制以才華先行。林寶玉透露部分參賽者相當有質素，但亦有部分表現相當「出人意表」，令她面試時要強忍苦笑：「有啲參賽者事前冇乜準備，表現上都只得一半水準，過程仲有好多dead air時間。不過我好欣賞佢份勇氣，佢反問我覺得佢表現成點，最後仲話希望大家可以喺女團見到佢嘅表現。好彩我經驗豐富，呢啲場面先唔會尷尬到唔識答！」

林寶玉日前為亞洲心動娛樂節目擔任評判總監。

參賽者多十幾歲少女。

林寶玉好認真。

林寶玉任女團評審遇「騎呢」參賽者。

近日「最索經理人」林寶玉在豪華遊艇上大解放，黑色比堅尼盡顯S曲線。

林寶玉有模特兒身形。

之前林寶玉應邀到米蘭參加時裝周。

「最索經理人」林寶玉。

林寶玉指參賽者多十幾歲少女

今次活動專為選拔女團而設，曾擔任選美評委的林寶玉，對出任評判總監信心十足：「今次活動雖然不設年齡上限，本來都諗住擴闊年齡層，但嚟面試大多係十幾歲少女，感覺幾『新鮮』。當然年紀唔係問題，最緊要可以展示女團嘅活力同生氣；選美女團始終有啲唔同，選美睇言談、舉止同形象，女團就最睇舞台爆發力。」

林寶玉大開眼界

面對一眾年輕參賽者，林寶玉笑言被新世代「潮語」難倒：「Gen Z嘅潮語真係未必明！有個參加者話自己曾經出道做『日系地下偶像』，我真係唔識，仲問佢係咪即係識講日文？原來意思類似『地下樂隊』，即係唱日文歌、跳日系舞嘅少女，但唔喺公開主流場合表演，呢個詞真係令我大開眼界！」