蔡天鳳碎屍案｜譚方駿稱蔡當日下午2時起失聯 共享位置顯示手機在大埔

28歲名媛蔡天鳳（Abby Choi）2023年2月疑遭殺害後碎屍肢解，蔡天鳳前夫鄺港智、前家翁鄺球、前夫兄長鄺港傑被控謀殺及阻止合法埋葬屍體罪。案件踏入第16日審訊，蔡天鳳丈夫譚方駿憶述，他在案發當日早上出門上班時，蔡天鳳仍在睡覺，其後他向蔡天鳳交代有朋友約食飯，蔡天鳳答應赴約，傳訊息指「轉頭你得閒我同你講啲嘢」，惟在下午2時06分起沒有再聯絡譚方駿。譚方駿一直找不到蔡天鳳後，打開共享位置程式，發現蔡天鳳手機位置在大埔。

案發日約好蔡天鳳當晚與友人飯聚

蔡天鳳丈夫譚方駿憶述，他在2023年2月21日上午10時許起床上班，當時蔡天鳳「喺床度瞓緊覺」，譚方駿出門前「我同佢面對面講嘢，之後就電話聯絡」。譚方駿記得「我晏晝2點嘅時候，因為有個朋友約我哋當晚食飯，我就問佢O 唔OK，跟住佢就答我OK」。庭上播放二人Whatsapp語音對話，蔡天鳳還問譚方駿「今日忙唔忙呀BB」。譚方駿轉發友人Kenny的語音訊息「譚公子、譚公子，想問下你今晚有無期？我地去食辣蟹？」，並問蔡天鳳「Kenny約我今晚食飯呀！你食唔食？」

蔡天鳳問譚方駿「做咩無啦啦約食飯嘅？」，譚方駿指Kenny稱當晚「有個function（活動）仔，問我哋食唔食飯，佢話人多嗌多啲嘢」，交代用餐地點應是尖沙咀英記。蔡天鳳回覆指「都可以嘅」、「OK呀」、「好呀」、「可以呀」。隨後蔡天鳳問譚方駿 「又出咗去食煙煙豬呀？」，又指「轉頭你得閒我同你講啲嘢，你睇吓Damon（鄺港傑）係幾咁奸狡」，譚方駿回應指「我啱啱喺厠所Book咗英記，今晚8點3」，並向蔡天鳳分享一些有關工作上的事宜，惟其後蔡天鳳已沒有回應。

2時許最後對話後失聯

蔡天鳳與譚方駿最後的對話記錄是在案發日下午2時許，譚方駿發出上述訊息後未獲回應，譚方駿供稱 「我Send訊息俾佢係一個Tick」，認為蔡天鳳「應該係完全未收到我個訊息」，猜想蔡天鳳的手機有機會電話無電及關機。因此在下午4時許，譚方駿再發訊息關心蔡天鳳「What’s wrong with your phone」、「I thought something was wrong with your iPhone」，而驚見訊息能發送成功「突然有一個訊息係兩個Tick」，認為「即係電話至少開返過」。

4:13至4:18訊息變雙剔 顯示共享位置在大埔

譚方駿供稱「我地有Share我地嘅Location」，當日不斷有用共享位置的程式尋找蔡天鳳的手機，在4時13分前發送的訊息都是單剔，在4時13分至18分的訊息是雙剔，惟4時18分後又變回單剔，「見到有啲唔尋常」。譚方駿提及，在蔡天鳳的手機短暫接收到訊號時曾打開共享位置程式，並「見到電話最後嘅位置」，而且「我見到呢部電話係大埔」。譚方駿透露，當晚發現蔡天鳳失蹤後，「去到夜晚我直情跟住個地址去埋呢個地方揾佢」，直言當時十分擔心蔡天鳳，因蔡天鳳不會無故不回覆他的訊息。

鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，鄺港傑及鄺港智承認阻止合法埋葬屍體罪，鄺球則不承認阻止合法埋葬屍體罪。

本案以英語進行，由暫委法官祁彥輝（Brian Keith）審理，控方由外聘資深大律師郭莎樂（Charlotte Draycott）、高級助理刑事檢控專員梁育珩、高級檢控官林曉敏及吳希樂、檢控官尹培軒代表，鄺港傑由大律師Trevor Beel代表，鄺球由大律師戴偉奧(Oliver Davies)代表，鄺港智由大律師安華暉(Andrew Raffell) 代表。

案件編號：HCCC198/2025
法庭記者：劉曉曦 黃巧兒