有片｜港鐵深水埗站南亞男不滿被截查爆粗辱警 涉公眾地方行為不檢被捕

網上昨日（10日）流傳數段影片，片中見到一名南亞裔男子在港鐵深水埗站內被3名軍裝男警包圍，情緒激動，指其中一名警長曾向他爆粗，未幾更連珠爆發：「關我Ｘ事呀？」、「你啱啱X我老X呀！」、「告我行為不檢，含X啦你」。男警不斷要他保持冷靜，惟男子越來越大聲。警方表示，該名29歲非華裔男子涉嫌「公眾地方行為不檢」罪名將他拘捕。

第一段影片見到，3名軍裝男警包圍一名南亞裔男子並指他行為不檢，男子突然情緒激動，向現場一名警長爆粗反駁：「你啱啱X我老X呀！告我行為不檢，含X啦你！乜X嘢呀」，一名戴眼鏡的男警要求男子保持冷靜，警長同時亦作出第一次口頭警告。南亞男未有理會，繼續指控被警長「X我老X」，並揚言拍片紀錄，而警長立即否認：「我無同你講呢句」。

第二段影片見到，雙方繼續爭持不下，警長向南亞男表示：「我唔會再畀機會你，唔係你畀機會我，你冷靜完未，冷靜完就搜你身」，南亞男突然發晦氣：「你咪搜囉，有嘢咪畀你囉…你唔好咁X大力，搜還搜」。該名警長走近南亞男，再次否認指控，「我同你講，我由頭到尾無同你講過任何粗口，講晒粗口，我哋錄影晒…你喺地鐵站入面唔可以講粗口，你明唔明？」

3名軍裝男警包圍一名南亞裔男子並指他行為不檢。henryychannn@Threads片段截圖

一名戴眼鏡的男警要求男子保持冷靜，警長同時亦作出第一次口頭警告。henryychannn@Threads片段截圖

南亞男未有理會，繼續指控被警長「X我老X」。henryychannn@Threads片段截圖

警長要求向南亞男作出搜身。henryychannn@Threads片段截圖

南亞男態度囂張，又指「我無講粗口，我講個X字，唔X得呀？」。henryychannn@Threads片段截圖

第三段影片中，南亞男態度仍然囂張，聲稱「我無講粗口，我講個X字，唔X得呀？唔通為咗你哋3個，改我講嘢方法？你以為（我係）Kai子，我就唔係Kai，你要做我，你行出去瞓」，但3名男警未有作出回應，片段就此結束。

3條影片均未見任何警員爆粗，帖文引來許多網民討論，「呢條友無端端鬧維修電梯嘅人，佢話嗰兩個維修電梯嘅人啤住佢，話影咗佢大頭，懷疑hi大咗」、「唔知今次邊個啱、邊個錯，單睇表面真係好難判斷」、「未睇晒成件事真係唔敢講邊個啱、邊個錯，不過睇個場面都幾混亂，希望最後和平收場」。

根據《香港鐵路附例》第28H條，任何人於鐵路處所之上，不得使用任何威脅性、粗穢、淫褻或使人反感的言語，或鬧事、行為不檢、行為不雅或作出使人反感的行為，一旦罪成，可被判罰款5,000元。

警方回覆《星島頭條》表示，昨日（10日）下午4時01分，警員在港鐵深水埗站內截查一名29歲非華裔男子，對方不斷以粗口辱罵警員，警員作出口頭警告，並以涉嫌「公眾地方行為不檢」罪名將他拘捕，案件交由深水埗警區刑事調查隊第九隊跟進。