李泳豪揭童年險死真相 靈體發狂被傷要縫160針：媽咪救返我 九龍塘舊居有紅衣女鬼
資深藝人施明病逝後，其長子李泳漢因獨攬喪事處理權並全面封鎖骨灰去向，一度引發前夫李家鼎及次子李泳豪不滿。加上李家鼎遭長子長期索取金錢，淪為「人肉提款機」，令這宗家事成為全城熱話。飽受打擊的李家鼎不單因健康亮紅燈而暴瘦，更公開宣布與長子李泳漢斷絕父子關係。直到9月中旬，李泳豪證實施明的骨灰已順利完成上位儀式，李家鼎總算放下心頭大石並決定復出工作，兩父子的生活才重拾正軌。
李泳豪童年險被狗咬死 決為狗狗平反
李泳豪近日現身Youtube靈異節目《香港象神金殿—靈異靈醫》，親述多年來遺傳自母親「陰陽眼」DNA 的靈異遭遇，李泳豪曾多次表示一歲時因被狗咬破頭而差點沒命，幸好施明抱著兒子送醫院急症室搶救，結果縫了160多針兼輸了幾包血，成功將兒子的命救回來。今次在節目上，李泳豪亦有重提此事，他坦言：「其實我就想幫返以前養的一隻狗，牠係一隻都柏文，但係唔可以話平反，只是將事實公開。」
施明於生死關頭救回愛子
李泳豪在節目上憶述當時情況：「嗰陣係喺生死關頭，係我媽咪救返我，嗰陣我老竇拍緊《歡樂今宵》，佢收到消息即刻趕去醫院。當時大家一直以為，好似我婆婆啦，某啲親戚，又或是一般觀眾，都認係咪嗰隻狗呷醋？嗰陣我媽媽養咗了三隻都柏文，當咗做仔咁樣養，仲瞓埋喺隔離。到我出生之後，為咗保護啲小朋友，其實就送咗去婆婆屋企，我畀隻狗咬，其實發生喺婆婆屋企。」李泳豪稱直到媽咪主持《怪談》謎底終於解開：「我表舅父話以前喺婆婆屋企有很多眾生，多到有一次朝早……以前六、七十年代，有大牛龜電視……他說起床後，本來諗住趁大人未起身就睇電視，佢話未開電視，喺螢光幕反射到後面企咗好多『人』，但呢個唔係重點……佢同我阿媽講，嗰隻狗係被冤枉，其實唔關隻狗事。」
李泳豪稱表舅父肯定隻狗有靈體上身
李泳豪續指出事之前的一個星期，表舅父同太婆不約而同看到花園，有一塊類似一塊透明的，又不是棉花，一塊透明虛無飄渺的東西：「嗰陣我太婆就趕咗佢走，表舅父都話喺花園見過類似嘅嘢。原來喺我畀狗咬之前幾日，表舅父有一晚想同隻狗玩，見到隻狗對眼綠綠白白咁望住佢，表舅父就好肯定話隻狗有靈體上咗身。之後聽我老竇同阿媽話，隻狗咬完我之後表現得好驚，好似變咗第二隻狗。」李泳豪表示牠非常聰明，曾在許冠文的電影《鐵板燒》上，有一場戲講述許冠文被老婆懷疑他出去偷情而放狗去抓他，最後許冠文被隻狗追到走上電燈柱，那隻就是咬他的狗了，之後怎樣再證明牠是被靈體附身呢？李泳豪說：「隔咗一段有個觀眾打去《怪談》時間，有一個觀眾話其實喺差唔多時間，喺大宅隔壁大宅進行裝修。有一晚小休突然聽到天花板有聲，望到一個披頭散髮嘅女人靈體，對住佢跌落嚟，嚇到佢死。」李泳豪覺得不是冤親債主，可能附近真的太多靈體，綜合來說，那隻狗是有一點醋意，但還不至於那麼誇張。
李泳豪九龍塘舊居有紅衣女
後來李泳豪又提童年長大的九龍塘舊居，當時他只有八歲，有個傭人很害怕地表示要離職：「佢話有一個女人，頭髮唔係很長，着紅色衫。有一次佢沖完澡返房，有一個着紅色衫嘅女人企咗喺佢門口，佢好驚話唔做。過咗好多年，唔知係第幾代嘅工人，不約而同話有一個咁嘅女人喺呢間出現。我想同大家分享一啲正能量，或係一啲好多人想知道嘅嘢，好似係因果故事或者一啲思維上嘅東西，，傳播多一啲正能量畀別人。」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
