蔡天鳳碎屍案｜蔡母指鄺球「病到就嚟死」靠蔡天鳳碌卡廿多萬救命

28歲名媛蔡天鳳（Abby Choi）2023年2月疑遭殺害後碎屍肢解，蔡天鳳前夫鄺港智、前家翁鄺球、前夫兄長鄺港傑被控謀殺及阻止合法埋葬屍體罪。案件第11日審訊，辯方質疑鄺球借名予蔡天鳳購入海南物業並無任何個人得益，蔡天鳳母親張燕花指：「佢全家享兩個孫嘅福氣，貪得無厭」。張燕花又提到「（鄺球）病到就嚟死都無錢睇醫生，阿囡碌咗卡20幾萬，如果唔係佢都死X咗，半個鐘都死啦」。

指女兒曾碌卡廿多萬元救頻危鄺球

辯方指出，蔡天鳳沒有向鄺球借錢，張燕花形容鄺球是「老狐狸」，鄺球名下有海南物業、加多利山、兩架車，惟「講明就俾佢持名，賣出去就俾阿囡㗎」，蔡天鳳更「每一個月都俾生活費佢」，及後母女「見到狐狸尾巴，要斬斷，要收返曬返黎」，更指「老狐狸（鄺球）好狡猾㗎」。

張燕花另指，蔡天鳳每月給鄺球的生活費都「入鄺球戶口」，「佢條命都係阿囡救㗎！」，更指「（蔡天鳳）照顧佢（鄺球）咁多年，鄺球有錢都係阿囡俾佢，阿囡有講，我地大家都知道，全家（鄺家）都俾」。張燕花提及「鄺球病到就嚟死啦，都係阿囡碌卡埋單用廿幾萬救返佢，唔係人嚟㗎呢班」。

張燕花指鄺球曾「病到就死」都是蔡天鳳碌卡廿多萬救回。

張燕花斥鄺家貪得無厭，全家大話精，鄺球更是「老狐狸」。

張燕花指蔡天鳳按月支付鄺球生活費。

斥鄺家「貪得無厭」

張燕花提及蔡天鳳決定長期照顧鄺家，購入海南物業時登記在鄺球名下，原因是鄺球已退休「無嘢做，方便走嚟走去」，「最主要係信用」。辯方質疑鄺球借名予蔡天鳳購入海南物業並無任何個人得益，張燕花指：「佢全家享兩個孫嘅福氣，貪得無厭 」。張燕花指起初不願簽署售樓授權書，「又係要行法律程序先肯簽」。蔡天鳳當時致電鄺球，表明若鄺球不簽署售樓授權書，「如果唔係大家就反面，親戚係無得做 」，「每次講反面先簽紙」。張燕花又指鄺球「幾時都係要打要殺」。

指鄺氏全家「大話精」 親家多年未請過飲一次茶

辯方指出，張燕花雖稱她聽說鄺球是的士司機，但鄺球從來都不是的士司機。張燕花則指鄺家「話住九龍塘又無住，全家都係大話精」，「做親家咁多年，茶都未飲過一次，未賣過單，邊度有錢，仲喺度吹」。辯方指出，張燕花落口供從來沒有指鄺球「要打要殺」，張燕花則指「有講賣樓時要打要殺」，「我落唔落口供唔重要，佢真係打呀」。

憶述得知蔡天鳳遭鄺球毆打稱「唔想諗起啲傷心事」

張燕花憶述蔡天鳳與譚方駿均向她說鄺球曾打蔡天鳳，譚方駿親身目睹蔡天鳳被鄺球打後，挺身阻止。張燕花又指「做阿媽嘅，嗰種親情無人理解到」，「過咗幾年，我唔想諗起啲傷心事，想快啲忘記，相信警方查案，還阿囡清白」。

蔡母：你聽佢吹啦！飯都無得開，邊有錢買勞斯萊斯

辯方指，鄺球在內地做生意，張燕花聲稱由蔡天鳳購入並登記在鄺球名下的勞斯萊斯及黑色七人車，實質上是由鄺球購買並屬於鄺球。張燕花則指，勞斯萊斯是由蔡天鳳以信用卡及現金付款約600至700萬元購入，「你聽佢（鄺球）吹啦，飯都無得開，邊有錢買勞斯萊斯」，「眼甘甘講大話」。張燕花又指蔡天鳳每月給鄺球2萬元生活費，「佢做鬼啦 」，「（鄺球）病到就嚟死都無錢睇醫生，呀囡碌咗卡20幾萬，如果唔係佢都死X咗，半個鐘都死啦」。

鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，鄺港傑及鄺港智承認阻止合法埋葬屍體罪，鄺球則不承認阻止合法埋葬屍體罪。

案件編號：HCCC198/2025
法庭記者：劉曉曦 黃巧兒