AL盧瀚霆澄清與Ivy So拍足20秒咀戲「未到打茄輪」 被郭子豪劇透笑叫對方交代 Edan呂爵安爆合約限制《悠長假期》12月搶閘出

《東周刊》早前爆出盧瀚霆（AL）主演的《金秘書為何那樣》雖然比呂爵安（Edan）孭飛的《悠長假期》，較早開拍，但《悠》將會搶閘播出，Edan指知道劇集將會在12月播，不過他表示現在仍未拍完，但透露因為拍的時候合約已傾好一定要在今年內播，所以現在正趕工中，而有份拍攝的江𤒹生（AK）就表示自己已拍到尾聲中，Edan指雖然好趕，但就不辛苦。

盧瀚霆認與 Ivy So拍到不尷尬

至於劇集被搶閘播出，AL就表示戥Edan他們辛苦，自己也想像到拍攝進度一定很趕，後期製作也會很趕急，對於他在《金》中與COLLAR的蘇雅琳（Ivy So）有好多咀戲，他表示多過《社內相親》，提到咀戲好激，與Ivy So更打足二十秒茄輪，AL說：「大家對打茄輪嘅定義唔係好一樣，我覺得嗰啲唔叫打茄輪，都有激吻嘅場口，但未去到有伸脷，但大家都專業完成，同埋大家都溝通好多，所以好快唔尷尬，同埋好忙，尤其是激吻啲戲，好多鏡頭，好多時一個take可能有四部機一齊拍，所以要就好多角度，就好多燈、機，唔係戲上嘅處理咁簡單，所以今次真係學咗好多嘢。」

《東周刊》早前爆出盧瀚霆（AL）主演的《金秘書為何那樣》雖然比呂爵安（Edan）孭飛的《悠長假期》，較早開拍，但《悠》將會搶閘播出。

對於他在《金》中與COLLAR的蘇雅琳（Ivy So）有好多咀戲，他表示多過《社內相親》。

提到前TVB藝人郭子豪錯手貼出他與Ivy So婚禮相，劇透結局彩蛋，他指不緊要，大家看原劇也知道結局。

Edan指知道劇集將會在12月播。

AL就坦言之前也差點劇透，但發現其他人沒有貼相，自己也不貼。

Edan透露因為拍的時候合約已傾好一定要在今年內播，所以現在正趕工中，

AL說今次呢套有好多大前輩都冇合作過，但一直以來都好欽佩佢哋，今次都學到好多嘢

AL有透露今次與Ivy So也會有床戲。

劇集被搶閘播出，AL就表示戥Edan他們辛苦。

AL說大家都專業完成，同埋大家都溝通好多，所以好快唔尷尬。

盧瀚霆開心與大前輩合作

提到前TVB藝人郭子豪錯手貼出他與Ivy So婚禮相，劇透結局彩蛋，他指不緊要，大家看原劇也知道結局，又笑說：「我自己冇所謂，但如果大家都覺得有所謂，咁郭子豪要交代下，甘草前輩！」對於相片中也爆出有童愛玲、林俊賢及呂頌賢參演，AL就坦言之前也差點劇透，但發現其他人沒有貼相，自己也不貼，要等大前輩先貼，而郭子豪就做了這個角色，所以也要多謝對方：「我都好想快啲分享俾大家聽，今次呢套有好多大前輩我冇合作過，但一直以來都好欽佩佢哋，今次都學到好多嘢，因為佢哋無論係做人上，定做戲上都教咗我好多嘢。」AL有透露今次與Ivy So也會有床戲，至於激烈程度？他就表示跟原劇差不多，大家期待一下。