薛家燕5歲孫仔表演慾爆燈 見嫲嫲登台反問「點解冇請我上去」

薛家燕和孫仔、吳雲甫和女兒、文雪兒和兩個孫仔、甄澤權和女兒（10月4日）一同出席尖沙咀慈善兒童時裝騷。「家燕媽媽」薛家燕接受訪問時，大談與孫仔相處的點滴，她的孫仔更相當趣致可愛，表示自己懂得跳十字步，又表示想和嫲嫲一同演出。

家燕姐孫仔識跳十字步

家燕姐的孫兒石汶栩（Julian）約5歲，年紀雖小，表演慾強，才藝多多不止懂多國語言，更識得打鼓、跳舞。家燕姐和孫仔一同接受訪問，她說：「打鼓佢好醒目。嫲嫲同你一齊巡迴演出好唔好呀？」石汶栩回答：「好。」哄得嫲嫲十分開心。家燕姐也說：「有一次我喺台上講嘢表演，佢問媽媽：『點解佢哋冇請我上去』？」問起「薛家燕孫仔」石汶栩懂不懂跳十字步，他回答：「以前識，不過而家有少少忘記。」家燕姐說：「好耐之前，我已經教佢識跳，而家有少少忘記。唔緊要，一教你就即刻記返。」最近《十月初五的月光》重播，家燕姐直言睇到好感動，說：「仲同Chilam（張智霖）一齊做個訪問，食餐飯添。難得原來27年，你話時間過得幾快。」

家燕姐的孫兒石汶栩（Julian）約5歲。

Julian年紀雖小，表演慾強。

Julian不止懂多國語言，更識得打鼓、跳舞。

家燕姐稍後夥陳曼娜等人拍網劇。

文雪兒和兩個孫仔。

甄澤權和女兒。

吳雲甫和女兒。

家燕姐夥陳曼娜拍網劇

談到最近髮型的轉變，家燕姐表示是「久唔久變吓」。問起早前被粉絲拍到真髮型一事（未戴招牌假髮，以一頭自然微鬈真髮示人），她大方表示「不介意」。「（平時出街）都係自己髮型，最近整咗個爆炸頭裝，但係今日咁嘅場面唔會整個爆炸裝，所以戴咗呢個頭髮囉，襯返件衫。」家燕姐近來工作行程緊密，除了參演賀歲片演出，她透露自己和女兒石祐珊（珊珊）及王梓軒拍攝了網劇《選美兄弟班》（RAGS 2 RICHMOND），獲邀出席韓國釜山電影節。她續說，之後亦會開始賀年歌的製作，再之後參演兒子投資的網劇《外母嫁到》。家燕姐說：「《外母嫁到》係60集，短嘅網劇，我好開心請到陳曼娜、又有范振鋒、喬寶寶，仲有八兩金、煒烈，其餘全部用新人。」問到會不會工作太忙？她回答：「唔會，都慣咗。」