便利店買飯冇錢找數 西裝友露「末日眼神」 港女送呢樣嘢神救援 網民疑「呃飯黨」新招｜Juicy叮

一名「西裝骨骨」無帶現金的男子在便利店買飯，八達通與信用卡集體「失靈」而冇錢找數。排在身後的熱心港女，被這位打工仔尷尬放下飯盒時露出的「末日眼神」打動，隨即送上「呢樣嘢」神救援。網民讚好人好事的同時，不忘拉響警報，提醒這有可能是「呃飯黨」的搵食新招。詳情見下圖及下文：

便利店買飯冇錢找數 西裝友露「末日眼神」 港女送呢樣嘢神救援 網民疑「呃飯黨」新招逐張睇↓↓↓↓

便利店買飯冇錢找數 西裝友露「末日眼神」 港女送呢樣嘢神救援 網民疑「呃飯黨」新招｜Juicy叮

樓主發帖還原現場情況

樓主早前在社交平台 Threads發帖，分享在便利店排隊結帳時目擊的一幕。樓主透露，當時排在她前面的男子「望落去似20尾，西裝骨骨」，但偏偏「身上冇現金，八達通用唔到，試咗兩張卡都唔得」。在眾目睽睽之下，男子付款無一過關。

西裝友「眼神超級絕望」

樓主形容，西裝友當時「好尷尬咁放低包紙巾同個魚香茄子飯」，轉身時更流露出「超級絕望」的眼神，令人心酸。

樓主感嘆，在現今生活壓力沉重的社會中，「呢個時代，連幾十蚊嘅飯錢，都可以成為壓死人嘅最後一根稻草」。於是樓主決定大方出手相助，形容「最後我請佢食咗我手上一個飯糰」，並直言「希望可以俾到佢感受到人間一點溫暖❤️」。

樓主帖文。Threads截圖

網民讚好人有好報

不少網民留言大讚樓主的善舉——「多謝你🙏一個有愛的人」、「好人有好報!!!!超warm（溫暖）」以及「Thank you for your kindness（謝謝您的善良）🌹」。有人更直言「行善的人每天都幸福快樂！」。

此外，也有熱心網民表示，換作是自己遇到這種情況，處理方式可能會更積極，直言「呢個時候我可能會幫佢畀住先，再睇下用咩方式畀返錢我」，希望給予對方更實質的幫助。

網民料西裝友背後或有辛酸

也有網民悲觀地推測西裝友背後定有辛酸史，懷疑他「可能被公司裁員，已失業一段時間，唔敢同屋企講，每日扮返工」，也有人估計他「可能啱啱見完工」。

有網民更聯想到現今的就業市道，慨嘆指「而家好多廿幾歲都話好難搵工，搵幾個月都冇消息，真係飯都冇錢食」，認為這正是不少年輕打工仔面臨的真實寫照。

不過，也有網民開玩笑調侃，質疑事主出手不夠大方，笑稱「我以為你會幫佢買魚香茄子飯😂點知係俾自己個飯糰，不過都係好事👍」。

理性網民質疑「大頭蝦」

相較於同情與擔憂，亦有部分理性的網民認為事件可能只是西裝友一時大意，毋須過度悲觀。有人留言表示「佢唔記得增值，等佢去提款就得」，只是忘記帶錢包而已；也有人不解地發問「唔識用八達通app（流動應用程式）增值？」。

網民籲提防「呃飯黨」新招

由於街頭騙案層出不窮，有敏感的網民拉起警報，提醒這有可能是「呃飯黨」的行騙新招。有人質疑西裝友的動機，冷嘲熱諷指「呢招好用，無理由唔知無現金同八達通無錢」，懷疑對方是故意裝可憐博同情；更有網民直接下定論：「佢又呃一餐」。

資料來源：ceci_9765＠Threads

相關閱讀：