田啟文否認爆李力持「雙面人」：佢係八面玲瓏 唔介意《功夫女足》最後一幕冇出現

田啟文（田雞）昨日（28日）出席《香港影視界慶祝中華人民共和國77周年招待會》。他接受訪問時回應近日有關他在訪問中被指爆李力持「雙面人」一事。他說：「冇，冇爆過，隨時都講得，唔需要爆！（你話佢雙面人？）呢樣對佢唔公平！佢唔係雙面人，佢係八面玲瓏！你講少咗咁多面，對人哋唔公平。」他坦言李力持是一個多才多藝的人，指當時只是用幽默方式表達：「唔識佢咪以為尖酸刻薄，其實佢不嬲都係咁嘅表達方式。」

田啟文透露黃一飛身體不錯

有說李力持當時指他是「打雜」，田啟文回應：「係應咗佢講，好似做打雜咁。（做得開唔開心？）唔開心就唔會做咗13年。」他表示婚後想多些時間陪伴太太，才離開公司。新聞瘋傳後，有沒有收到李力持電話？田啟文說兩人時常都有聯繫，對方也沒有介意：「嗰種係關心嘅問候。」又透露李力持有工作，多數都在內地見面。談到「兄弟情」，田啟文指一班《少林足球》師兄弟感情很好，「同飛哥都會安排緊工作。」他坦言作為好朋友，自己會幫他的工作把關：「會幫佢過濾合約，廢事佢年事已高，就幫佢過目。」透露黃一飛身體不錯，只是有時會「咳兩聲」。

田啟文出席《香港影視界慶祝中華人民共和國77周年招待會》。

田啟文指李力持係八面玲瓏！

有說李力持當時指他是「打雜」，田啟文回應：「係應咗佢講，好似做打雜咁。」

田啟文指一班《少林足球》師兄弟感情很好。

田啟文唔介意《功夫女足》最後一幕冇出現。

田啟文有參與「搵錢計劃」

田啟文曾透露有工作安排，會否又搵李力持幫手？他答：「佢就抆水啲啦。而家搞嗰啲嘢唔係好啱佢做。（收得太貴？）唔怕貴，最驚唔啱用。（會不會搵星爺重聚？）呢個就有難度，難度好高。佢搞緊新嘢，約佢都唔係咁容易，因為佢淨係掛住喺度度嘢。（約食飯？）佢成日食飯，但係唔係同我食呀嘛。」他亦透露，之前某些「搵錢計劃」自己有參與，不過要留待周星馳公布：「等佢出啦，我講就唔係幾好。」講及《功夫女足》最後一幕沒有出現，他說：「佢臨尾做嘅，嗰時都係15、16年出唔出呢個版本。（有冇唔開心？）冇，有就有，使乜開唔開心，最緊要師兄弟情永在就得啦。」