女神配對計劃2｜俞可程獲Zico準備隱形膠布冧到爆 五角枱揀錯位上演「座位之亂」

由「金牌媒人」林盛斌（Bob）主持的TVB戀愛真人騷《女神配對計劃2》，逢周日晚八點半翡翠台播映。昨晚（27日）播出的第四集，五位女神何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana）將與16位成功晉級的求愛勇者，吳兆麟（Alan）、吳旭東（東東）、俞鋆瑞（Ice）、譚梓樂（Hepta）、李爾晨（Kyle）、林子朗、陳萬龍（Man Lung）、劉梓堅（兔仔）、伍頌曦（Preston）、侯建民（Zico）、林福明、吳俊峰（Mark）、方智弘（Oscar）、關經翰（Oswald）、劉宏偉（Ares）、李韋標（丁標）進入集合傾偈、了解、競技的五角枱淘汰環節！花生團成員則繼續有Amber閨密Sam Lau（劉倬昕）、Juliana閨密鄧凱文（Eris）、Mandy閨密鄧依婷、Roxanne閨密游嘉欣及Kanis家姐，以及新加盟的「玄學天后」雲文子師傅。

俞可程憑藉Zico的細心與痛錫成為焦點。

Kanis「少了條筋」不按牌章揀位。

Kanis坐了東東隔離。

「金牌媒人」兼主持阿Bob咬晒紙巾：「喂呀，做乜嘢呀？」，俞可程家姐亦搞笑問製作組：「今次有冇得打電話（畀阿妹）架？」

何沛珈看到俞可程亂揀位時，表情驚訝。

Zico苦笑。

俞可程傻笑！

Mandy最終與東東被逼打對台坐，她認為是天意。

Mandy說：「我對面正正就係東東，我覺得ok嘅。」

俞可程家姐：今次有冇得打電話㗎？

由三角枱升呢五角枱的《女神2》，共設Welcome Drink、還有主菜及甜品三大部分，而女神每一輪「飯腳」都會因製作組的設計隨時變更。首輪Welcome Drink環節，五位女神親自選好相對的求愛勇者，名單如下：阿Ju＋Kyle，Kanis＋Zico、Amber＋Alan、Mandy＋東東、Roxanne＋兔仔（木村2.0）。五組CP將以製作組預先安排好的順序逐個進場，整個部分吊詭的地方是，雖然女神已鎖定「專屬飯腳」，但製作組卻「不設劃位」，意即女神身旁吉位、未必一定可以預留給想約會的對象。最終，Mandy因為Kanis「少了條筋」不按牌章揀位，未能與東東坐在一起，令「金牌媒人」兼主持阿Bob咬晒紙巾：「喂呀，做乜嘢呀？！向來快人快語的Eris忍不住「投訴」：「家姐有冇得教吓你阿妹㗎？」家姐亦搞笑問製作組：「今次有冇得打電話（畀阿妹）架？

Hepta獲網民一致好評

而事件「受害者」Mandy最終雖與東東被逼打對台坐，但仍大方表示：「咦？我喺呢度呀？係喎，我係最後一個，冇得揀」、「我覺得我個位都係個天意吖，因為我對面正正就係東東，我覺得ok嘅。」獲網民大為欣賞，大讚她大方之餘，亦大讚她昨晚一集很亮麗靚女。其實Mandy的大方得體昨晚一集隨處可見，除了欣然接受座位錯配，在「主菜競逐」環節，雖然Mandy內心很想與自己心意相通的Hepta勝出「摺衫」通關題，但由於眼見為爭取與Amber同枱的丁標一直努力默默摺兼絕不偷雞，出於公正竟將自己的「主菜飯腳」判給了自己無感的丁標：「我覺得丁標好有心」、 「我哋要公道架嘛，真係佢做得好啲吖嘛」。Mandy的公道舉動，更獲花生團及網民一致好評，雲大師：「好睇到Mandy為人」、游嘉欣：「佢好公平呀。」而為Mandy「瞓身搏盡」的Hepta，亦獲網民一致好評，大讚他夠落力又真誠。另她在「戀愛之最」環節，又多次主動要求其他女神以普通話說一次題目，好讓東東多點投入及參與度，十分細心。

在所有求愛勇者中，只有Zico有為心意相通的Kanis帶來小禮物。

Zico專登為Kanis準備的隱形膠布。

Zico說：「我見到Kanis整親嘛。」

Zico為Kanis帶來小禮物

說回Kanis，昨晚一集雖然尚未播到她的通關遊戲，但她卻憑藉Zico的細心與痛錫成為焦點。在所有求愛勇者中，只有Zico有為心意相通的Kanis帶來小禮物，裏面除有「氹女必備朱古力」，還有專登為Kanis準備的隱形膠布，勁Sweet，Zico：「我見到Kanis整親嘛。」