梅启明指梅妈仍有千万身家 怒斥姪仔为钱“等天收” 未婚妻May May强调不是二奶
已故乐坛天后梅艳芳的母亲覃美金（梅妈），于上月底离世，丧礼亦已低调举行，长子梅启明曾指要豪花150万元帮梅妈风光大葬，在得知母亲已被火化后，接受访问时越讲越激动，引致身体不适，搞到要call白车送院。已出院的梅启明与泰籍未婚妻May May日前一起接受《星岛头条》访问，提到身体状况，他先咳了一声表示仍未恢复，医生指他是过劳，又表示从梅妈离世至今，每日只睡个多小时，而提到姪仔，他更越讲越劳气，指对方当他冇到。
梅启明闹姪仔无良心
梅启明又谓自己的律师有要求姪仔律师交出遗嘱，但过了两星期对方也未交出：“你既然话有，系咪第一时间交出嚟？点解到现在都唔交？系咪有问题啊？即系阿梅嘅版本啦，阿梅遗嘱又系拖咗八个月，完全一模一样，我觉得好奇怪。”提到他曾表示要告对方谋杀，梅启明就指要先等对方交出遗嘱，才知道之后如何做：“阿妈百年归老，要佢安息、入土为安，呢样嘢系我哋中国人要做嘅嘢，佢一把火就烧咗，呢个人真系冇良心不特止，铁石心肠！”又指梅妈和梅艳芳是怕火，梅妈也讲过如果是死一定不能火葬。
梅启明指与梅妈脱离关系是姪仔操纵
至于他曾讲过用150万为梅妈风光大葬，而现在梅妈丧礼已完成，问他打算如何处理？他就表示循法律途径，希望真的找到线索，又指姪仔太可恶和阴险，要“等个天嚟收佢”，又表示对方一直在部署，想梅妈快点死，“一日阿妈唔死佢一日攞唔到啲钱走，就系咁简单。”问到梅妈有多少身家？他说：“如果正常计，超过1000万，（但梅妈之前因打官司搞到破产。）打官司还打官司，破产由基金𠮶度俾，我唔系话想钱嘅问题，而系一个老人家养咗只狗，不但止咬你，仲要连骨都吞埋你，将你消灭埋，呢啲咩所为？”而他又质疑与梅妈当初脱离关系，觉得是姪仔在背后操纵，更激动到拍枱：“我对住灯火讲，冇半句反话，讲句难听啲，肉随砧板上，一个成百岁老人家，你控制住佢要佢做乜做乜，佢心中有数，我喺阿妈条肠出嚟我唔知佢谂乜做乜咩？但佢（姪仔）唔系，佢系深谋远虑，叫佢都唔睬，呢啲咩人嚟？简直系畜生！大家帮我做一个公证，同还我一个公道！”
梅启明称梅妈有报梦
问到梅妈最近是否有报梦给他？他指梅妈死得冤枉：“佢最怕火，你烧到佢咁，讲句难听啲佢瞇埋眼都要趷起身，佢报梦俾我听就系咁，呢啲嘢信其有不信其冇，针唔拮到你哋唔会痛，（再大力拍枱）我个冤屈廿几年喺度，冇一个人帮我不特止，仲要威逼我抹黑我，将我倒转嚟，咩世界呀而家？如果我要靠阿妹啲钱就唔使今时今日啦…你哋一味话我贪钱，我贪咩钱？我有骨气㗎！我12岁出嚟做嘢做到而家未停过，你哋日日话我摊只手问阿妈攞钱，咁X街嘅！呢个潘小文唔知喺边度派嚟嘅黑手，我见到佢，如果喺我面前我唔打佢我跟你挽鞋！”
梅启明初识已口花花兼手多
至于梅启明未婚妻May May受访时表示初相识时梅启明已口花花和手多，在过马路及坐车时捉自己的手，觉得对方是一个很花心的男人，但看到对方的手脚瘀晒觉得心痛，觉得这个男人很惨，最初两人也只是朋友般倾偈，慢慢就有感情，至于日后两人若结婚，会否怕梅启明再去追第二个？May May笑说：“佢老喇，唔惊呀！”又谓不会让其他人欺负梅启明，就算要养他也没问题：“佢冇嘢特别值得我欣赏，佢个人好直好真又坦白，我就系钟意佢呢样嘢，我唔钟意花心男人，我钟意男人成熟啲，（佢口花花！）而家冇，冇力喇！”
梅启明未婚妻获梅妈送玉鈪
对于介入梅启明的婚姻，May May坦言不觉得自己是二奶：“梅启明同梅妈破产，Joey先嗌交返马来西亚住，我冇出现过，佢破咗产先认识我。”她指离婚这件事要等梅启明去解决。May May又表示梅启明一直有工作，而梅妈曾叮嘱她要睇实儿子，自己与梅启明订婚时，梅妈更买了手上的玉鈪给她，当时也有在家中烧香拜神，也有斟茶给梅妈，梅妈也很开心。
现时在中餐厅上班的May May表示是自己叫梅启明停工，因为梅妈离世后他每天要东奔西跑，不能经常请假，所以叫他先休息，又指自己收到梅妈离世消息时正在返工：“吓死我，跟住佢（梅启明）打嚟话即刻去医院见佢（梅妈），佢好硬颈，唔见我哋四年，所以我同阿妈讲我日日都返工照顾佢个仔，叫佢唔使担心，等佢安心啲。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
